കോട്ടയം: രാഷ്ട്രപതി ദ്രൗപതി മുര്മുവിന്റെ സന്ദര്ശനവുമായി ബന്ധപ്പെട്ട് 23,24 തീയതികളില് സുരക്ഷാ, ഗതാഗത ക്രമീകരണങ്ങളുടെ ഭാഗമായി കോട്ടയം ജില്ലയിലെ സ്കൂളുകളുടെ പ്രവര്ത്തന സമയത്തില് ക്രമീകരണം വരുത്തുമെന്ന് ജില്ലാ വിദ്യാഭ്യാസ ഉപഡയറക്ടര് അറിയിച്ചു.
വ്യാഴാഴ്ച ജില്ലയിലെ സര്ക്കാര്, എയ്ഡഡ്, അണ് എയ്ഡഡ്, സി.ബി.എസ്ഇ., ഐ.സി.എസ്.ഇ., കേന്ദ്രീയ വിദ്യാലയങ്ങള് ഉള്പ്പെടെ എല്ലാ സ്കൂളുകളും ഉച്ചകഴിഞ്ഞ് മൂന്നിനു മുന്പായി പ്രവര്ത്തനം അവസാനിപ്പിക്കണം. 24 വെള്ളിയാഴ്ച കോട്ടയം താലൂക്കിലെ സര്ക്കാര്, എയ്ഡഡ്, അണ് എയ്ഡഡ്, സി.ബി.എസ്ഇ., ഐ.സി.എസ്.ഇ., കേന്ദ്രീയ വിദ്യാലയങ്ങള് ഉള്പ്പെടെ എല്ലാ സ്കൂളുകളും രാവിലെ 8.30ന് മുമ്പായി പ്രവര്ത്തനം ആരംഭിക്കുകയും വേണം.
ഇതുസംബന്ധിച്ച് രക്ഷിതാക്കള്ക്ക് സ്കൂള് അധികൃതര് കൃത്യമായ അറിയിപ്പ് നല്കണം.
