കൊച്ചി: മാലിന്യ സംസ്കരണത്തെക്കുറിച്ച് സോഷ്യല് മീഡിയയിലൂടെ ഒരു ബോധവത്കരണ കാമ്പയിന് ആരംഭിക്കുന്നതിനായി പിഴയായി പിരിച്ചെടുത്ത 22 കോടി രൂപയുടെ ഒരു ഭാഗം നീക്കിവയ്ക്കാന് ഹൈക്കോടതി സംസ്ഥാന സര്ക്കാരിന് നിര്ദ്ദേശം നല്കി. ‘ കഴിഞ്ഞ 9 മാസത്തിനുള്ളില് സര്ക്കാര് പിഴയായി 22 കോടി രൂപ പിരിച്ചെടുത്തു, അതില് നിന്ന് കുറഞ്ഞത് ഒരു കോടി രൂപയെങ്കിലും ഒരു കാമ്പെയിന് നടത്താനും അത് ഇന്സ്റ്റാഗ്രാം വഴി പ്രചരിപ്പിക്കാനും നീക്കിവയ്ക്കാം. അത് കോടിക്കണക്കിന് ആളുകളില് എത്തും.സര്ക്കാരിന് ചെയ്യാന് കഴിയുന്ന മറ്റൊരു കാര്യം, ഇന്സ്റ്റാഗ്രാമിലും മറ്റ് സോഷ്യല് മീഡിയ പ്ലാറ്റ്ഫോമുകളിലും, നിങ്ങള്ക്ക് വലിയ ചെലവില്ലാതെ പരസ്യങ്ങള് സൃഷ്ടിക്കാന് കഴിയുമെന്നതാണ്. പരസ്യം നിര്മ്മിക്കുന്നതിനുള്ള ചെലവ് മാത്രമേ ആകൂ. ചെറിയ റീലുകള് സൗജന്യമായി ചെയ്യാന് തയ്യാറാകുന്ന ജനപ്രിയതാരങ്ങളുണ്ടാകും. ജസ്റ്റിസ് ബെച്ചു കുര്യന് തോമസും ജസ്റ്റിസ് ഗോപിനാഥും അടങ്ങുന്ന പ്രത്യേക ബെഞ്ച് വാക്കാല് നിര്ദേശം നല്കി. പുകവലി വിരുദ്ധ പ്രചാരണം പോലെ തിയേറ്ററുകളിലും സര്ക്കാരിന് പ്രചാരണം നടത്താം.
സംസ്ഥാനത്തെ മാലിന്യ സംസ്കരണം നിരീക്ഷിക്കുന്നതിനായി പ്രത്യേകം രൂപീകരിച്ച ബെഞ്ച്, ബ്രഹ്മപുരം തീപിടിത്തത്തെത്തുടര്ന്ന് സ്വമേധയാ സമര്പ്പിച്ച ഹര്ജിയും അനുബന്ധ കാര്യങ്ങളും പരിഗണിക്കവെയാണ് ഇക്കാര്യം പറഞ്ഞത്.
മലിനീകരണം: പിഴത്തുകയുടെ ഒരു ഭാഗം സോഷ്യല് മീഡിയ ബോധവത്കരണത്തിന് മാറ്റിവച്ചുകൂടേയെന്ന് ഹൈക്കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.