ശ്രീനഗർ: ദീപാവലി രാത്രിയിൽ ദക്ഷിണ കശ്മീരിലെ ഷോപിയാനിലെ ഹെഫ് ഗ്രാമത്തിൽ ഭീകരർ ആസൂത്രണം ചെയ്ത വലിയ ഭീകരാക്രമണ പദ്ധതി സുരക്ഷാ സേന പരാജയപ്പെടുത്തി. ഒരു ഇംപ്രൊവൈസ്ഡ് എക്സ്പ്ലോസീവ് ഡിവൈസ് (ഐഇഡി) കണ്ടെടുത്തതും നിർവീര്യമാക്കി. ‘സുരക്ഷാ സേനയുടെ വാഹനം കടന്നുപോയാൽ പൊട്ടിത്തെറിക്കാൻ പാകത്തിലാണ് ഐഇഡി സജ്ജമാക്കിയിരുന്നത്. പതിവായി റോന്തു നടത്തുന്ന ഒരു റോഡിൽ സംശയാസ്പദമായ ഒരു വസ്തുവിനെക്കുറിച്ചുള്ള വിവരങ്ങളുടെ അടിസ്ഥാനത്തിൽ സുരക്ഷാ സേന നടത്തിയ പരിശോധനയിലാണ് വസ്തു കണ്ടെത്തിയത്. ഭീകര പ്രവർത്തനങ്ങൾക്ക് പേരുകേട്ട പ്രദേശമാണിത്. എന്നാൽ അതിർത്തി പ്രദേശങ്ങൾ ദീപാവലി ഉത്സവത്തിൽ മുഴുകിയിരിക്കുമ്പോഴാണ് ഈ സംഭവം.
















