ന്യൂഡല്ഹി: ദീപാവലിക്ക് തപാല് വകുപ്പ് ജീവനക്കാര്ക്ക് കേന്ദ്ര സര്ക്കാര് വക സമ്മാനം. തപാല് വകുപ്പിലെ ചില വിഭാഗങ്ങള്ക്ക് 2024-25 സാമ്പത്തിക വര്ഷത്തേക്ക് ഉല്പ്പാദനക്ഷമതയുമായി ബന്ധപ്പെട്ട ബോണസ് പ്രഖ്യാപിച്ചിരിക്കുകയാണ് വാര്ത്താവിനിമയ മന്ത്രാലയത്തിന് കീഴിലുള്ള തപാല് വകുപ്പ്. ഇത് സംബന്ധിച്ച ഔദ്യോഗിക ഉത്തരവ് വാര്ത്താവിനിമയ മന്ത്രാലയം പുറപ്പെടുവിച്ചു.ഇത് പ്രകാരം തപാല് വകുപ്പ് ജീവനക്കാര്ക്ക് 60 ദിവസത്തെ ശമ്പളത്തിന് തുല്യമായ ബോണസ് ലഭിക്കും.
സ്ഥിരം ജീവനക്കാര്, ഗ്രൂപ്പ് സി, മള്ട്ടി ടാസ്കിംഗ് സ്റ്റാഫ് (എംടിഎസ്), നോണ്-ഗസറ്റഡ് ഗ്രൂപ്പ് ബി ജീവനക്കാര്, ഗ്രാമീണ് ഡാക് സേവകര്, താല്ക്കാലിക, മുഴുവന് സമയ കാഷ്വല് ജീവനക്കാര് എന്നിവര്ക്കാണ് ഈ ആനുകൂല്യം ലഭിക്കുക. 2025 മാര്ച്ച് 31 ന് ശേഷം വിരമിച്ചവര്, രാജിവച്ചവര് അല്ലെങ്കില് ഡെപ്യൂട്ടേഷനില് പോയവര് എന്നിവര്ക്കും ഈ ബോണസിന് അര്ഹതയുണ്ടായിരിക്കും.
2025-26 സാമ്പത്തിക വര്ഷത്തേക്കുള്ള അനുവദിച്ച ബജറ്റില് നിന്നാണ് ഇതിന് വേണ്ട ചെലവ് വഹിക്കുന്നത്.സ്ഥിരം ജീവനക്കാര്ക്ക് ബോണസ് = (ശരാശരി ശമ്പളം × 60 ദിവസം ÷ 30.4) എന്ന ഫോര്മുലയിലായിരിക്കും ബോണസ് നല്കുക.
