ചെന്നൈ: ഈറോഡ്- ജോഗ്ബനി അമൃത് ഭാരത് എക്സ്പ്രസില് ഉപയോഗശേഷം വലിച്ചെറിഞ്ഞ ഭക്ഷണ പാത്രങ്ങള് പുനരുപയോഗിക്കാനായി യാത്രക്കാരുടെ കംപാര്ട്ട്മെന്റിനുള്ളില് വെച്ച് കാറ്ററിങ് ജീവനക്കാരന് കഴുകുന്നു എന്ന് പറഞ്ഞു പുറത്തു വന്ന വീഡിയോയെക്കുറിച്ച് വിശദമായി അന്വേഷണം നടത്തിയെന്ന് റെയില്വേ.
സംഭവത്തില് ഐആര്സിടിസി വിശദീകരണം നല്കി. ഭക്ഷണപാത്രങ്ങള് സംസ്കരിക്കാനായി ശുചീകരിക്കുന്നതാണ് വീഡിയോയിലുള്ളതെന്ന് ഐആര്സിടിസി വ്യക്തമാക്കി. ഫുഡ് കണ്ടെയനര് ഒരു പ്രാവശ്യം മാത്രമാണ് ഉപയോഗിച്ചിരിക്കുന്നത്. അത് ശുചീകരിച്ച് ഡിസ്പോസ് ചെയ്യുകയായിരുന്നു എന്ന് അന്വേഷണത്തില് നിന്നും തെളിഞ്ഞിട്ടുണ്ട്. വീണ്ടും ഭക്ഷണം നല്കാന് ഉപയോഗിക്കുന്നു എന്ന തരത്തില് വാര്ത്തകള് പ്രചരിപ്പിക്കാതിരിക്കുക എന്ന എക്സ്പ്രസ് ഫുഡ് സര്വീസസിന്റെ ഔദ്യോഗിക കുറിപ്പ് ഐആര്സിടിസി എക്സില് പങ്കുവച്ചു.
