‘ദീപാവലി’ എന്നാല്’ പ്രകാശങ്ങളുടെ നിരകള്’ (ദീപ+ആവലി). ഈ ദീപനിരകള്ക്ക് ഒരു ആഴമേറിയ അര്ത്ഥമുണ്ട്: ജനിക്കുമ്പോഴും മരിക്കുമ്പോഴും വിളക്ക് കത്തിക്കുന്നത് നമ്മുടെ ജീവിതവുമായി വിളക്കിനുള്ള സവിശേഷമായ ബന്ധത്തെ സൂചിപ്പിക്കുന്നു. ഒരു വിളക്ക് കത്തിച്ചാല് മാത്രം ഇരുട്ട് പൂര്ണമായി നീങ്ങില്ല. ഇതാണ് ദീപാവലിയുടെ ഏറ്റവും ശക്തമായ സാമൂഹിക സന്ദേശം.
വിളക്കുകള് കത്തിക്കുന്നത് വീടുകള് അലങ്കരിക്കാന് മാത്രമല്ല, ജ്ഞാനത്തിന്റെയും സ്നേഹത്തിന്റെയും വിളക്ക് എല്ലാ ഹൃദയങ്ങളിലും കൊളുത്തി, എല്ലാ മുഖങ്ങളിലും ഒരു തിളക്കമുള്ള പുഞ്ചിരി കൊണ്ടുവരാന് കൂടിയാണ്.
ജീവിതം ഒരു പ്രകാശം പോലെയാണ്. നമ്മുടെ ആത്മാവും ഒരു പ്രകാശമാണ്, അത് എപ്പോഴും പ്രകാശവുമായി ബന്ധപ്പെട്ടിരിക്കുന്നു. ദീപാവലി നമ്മെ ഓര്മിപ്പിക്കുന്നത് നമ്മുടെ ഉള്ളിലെ വിളക്കിനെക്കുറിച്ചാണ്. സന്തോഷത്തിന്റെയും അറിവിന്റെയും സ്നേഹത്തിന്റെയും വെളിച്ചം പരത്താന് കഴിവുള്ള ഒരു മനോഹര വിളക്കാണ് നാം ഓരോരുത്തരും. സ്വന്തം പ്രഭാവം തിരിച്ചറിയാനും, ആ വിളക്ക് കത്തിച്ച് നിര്ത്താനുമുള്ള ആഹ്വാനമാണ് ഈ ഉത്സവം.
ആത്മീയ ജ്ഞാനമില്ലാത്തവന് ദീപാവലി വര്ഷത്തില് ഒരിക്കല് മാത്രം വരുന്നു. എന്നാല് ജ്ഞാനികള്ക്ക് ദീപാവലി ഓരോ നിമിഷവും ഓരോ ദിവസവുമാണ്. കാരണം അവര് എപ്പോഴും ‘വര്ത്തമാനകാലത്ത്’ (ജൃലലെി േങീാലി)േ ജീവിക്കുന്നു.
നമ്മുടെ ജീവിതം ഒരു പ്രകാശനാളമാണെങ്കില്, ആത്മാവ് അതിലെ ജ്വാലയാണ്. പ്രപഞ്ചത്തിന്റെ മഹാപ്രകാശവുമായി അത് എപ്പോഴും ബന്ധപ്പെട്ടിരിക്കുന്നു. ജനനം മുതല് മരണം വരെ വിളക്കിന് നമ്മുടെ ജീവിതവുമായി ഒരു സവിശേഷ ബന്ധമുണ്ട്.
‘നമ്മുടെ ആത്മാവും ഒരു പ്രകാശമാണ്; അത് എപ്പോഴും പ്രകാശവുമായി ബന്ധപ്പെട്ടിരിക്കുന്നു.’
ഇരുട്ട് എന്നാല് അജ്ഞത, നിഷേധാത്മകത, സ്വാര്ത്ഥത, ദുഃഖം എന്നിവയാണ്.
ഈ കൂരിരുട്ടിനെ അകറ്റാന് ആയിരക്കണക്കിന് വിളക്കുകള് കത്തിക്കണം. ഇത് സൂചിപ്പിക്കുന്നത്, സമൂഹത്തിലെ ഓരോ വ്യക്തിയും ജ്ഞാനം കൊണ്ടും സന്തോഷം കൊണ്ടും പ്രകാശിക്കണം എന്നാണ്.
നമുക്കെല്ലാവര്ക്കും ഒരുമിച്ചു നടന്ന്, ഓരോ ഹൃദയത്തിലും വെളിച്ചവും സന്തോഷവും എത്തിച്ചാല് മാത്രമേ സമൂഹത്തിന് പുരോഗതി കൈവരിക്കാന് കഴിയൂ. ഒരു വ്യക്തിയുടെ
ജ്ഞാനം ആയിരം പേര്ക്ക് വഴിവിളക്കാവണം.
ജീവിതത്തിന് നിരവധി വശങ്ങളും ഘട്ടങ്ങളുമുണ്ട്. ഈ വിളക്കുകളുടെ നിരകള് നമ്മെ ഓര്മ്മിപ്പിക്കുന്നത്, ജീവിതം പൂര്ണമായി പ്രകടിപ്പിക്കുന്നതിന് ഓരോ വശത്തിനും (കുടുംബം, ജോലി, ആരോഗ്യം, ആത്മീയത) നമ്മുടെ ശ്രദ്ധയും അറിവിന്റെ വെളിച്ചവും ആവശ്യമാണ് എന്നാണ്. നമ്മള് കൊളുത്തുന്ന ഓരോ വിളക്കും ഓരോ മനുഷ്യനിലും ഒളിഞ്ഞിരിക്കുന്ന നല്ല ഗുണങ്ങളുടെ (സഹിഷ്ണുത, സ്നേഹം, ശക്തി, ഔദാര്യം) പ്രതീകമാണ്. ഈ മൂല്യങ്ങളെ ജ്വലിപ്പിക്കുമ്പോള്, അത് യഥാര്ത്ഥ രാമന് അയോധ്യയില് തിരിച്ചെത്തിയതോ നരകാസുരനെ നിഗ്രഹിച്ചതോ ആയ ഐതിഹ്യങ്ങള്ക്ക് അപ്പുറം, ദീപാ
വലിയുടെ ആന്തരിക സന്ദേശം അറിവിന്റെ വെളിച്ചം ഉള്ളില് ഉദിക്കുമ്പോള് ലോകം മുഴുവന് പ്രകാശിക്കുന്നു എന്നതാണ്.
‘മൂധ ജ്യോതിഷി സിദ്ധ ദര്ശനം’. ഉള്ളിലെ ദിവ്യപ്രകാശത്തെ തിരിച്ചറിഞ്ഞാല്, പൂര്ണത കൈവരികയും ബുദ്ധി ശുദ്ധീകരിക്കപ്പെടുകയും അസാധാരണ കഴിവുകള് ഉണര്ത്തപ്പെടുകയും ചെയ്യും.
ഈ ദിനം ഭൂതകാലത്തെ എല്ലാ പ്രശ്നങ്ങളെയും നിഷേധാത്മകതകളെയും മറക്കാനുള്ള സമയമാണ്. നേടിയ ജ്ഞാനത്തിലേക്ക് വെളിച്ചം വീശുകയും, സന്തോഷവും സംതൃപ്തിയും ഉള്ളവരായി ഒരു പുതിയ തുടക്കത്തെ സ്വാഗതം ചെയ്യുകയും ചെയ്യുക. മറ്റുള്ളവരുമായി ഐക്യത്തിലായിരിക്കുക. നമ്മുടെ പെരുമാറ്റത്തില് മാധുര്യവും സൗമ്യതയും ഉണ്ടാകട്ടെ.
‘നിങ്ങളുടെ അടുക്കല് വരുന്ന എല്ലാവരും സന്തോഷത്തിന്റെ വെളിച്ചം അനുഭവിക്കണം, ആരും ദുഃഖിക്കരുത്. ഈ ലോകോപകാരപരമായ പ്രാര്ത്ഥനയാണ് ദീപാവലിയുടെ ഹൃദയം.
ഈ ദീപാവലി, നമ്മുടെ ഉള്ളിലെ വിളക്ക് തിരിച്ചറിഞ്ഞ്, ലോകമെങ്ങും പ്രകാശം പരത്തി, ‘തമസോ മാ ജ്യോതിര്ഗമയ’ എന്ന വേദസൂക്തം ജീവിതത്തില് യാഥാര്ത്ഥ്യമാക്കാനുള്ള പ്രതിജ്ഞയാകട്ടെ!
