പട് ന: ബീഹാര് നിയമസഭാസീറ്റ് നല്കാന് ലാലുപ്രസാദ് യാദവ് തന്റെ അനുയായി വഴി 2.7 കോടി രൂപ കൈക്കൂലി ചോദിച്ചെന്ന് രാഷ്ട്രീയജനതാദള് (ആര്ജെഡി) നേതാവ് മദന് ഷാ. ഇത്രയും പണം നല്കാത്തതിനാല് തനിക്ക് സീറ്റ് നിഷേധിച്ചുവെന്ന് മദന് ഷാ.
ഇതോടെ ലാലുപ്രസാദ് യാദവിന്റെ വീടിന് മുന്പില് ചെന്ന് മദന് ഷാ കരയുകയും റോഡില് കിടന്ന് തന്റെ ഷര്ട്ട് വലിച്ചുകീറുകയും ചെയ്യുന്നതിന്റെ വീഡിയോ വൈറലായി പ്രചരിക്കുകയാണ്. നേരത്തെ കോണ്ഗ്രസിന്റെ ബീഹാര് പ്രസിഡന്റ് ഒരു സീറ്റ് അഞ്ച് കോടി രൂപയ്ക്ക് വിറ്റതായി ആരോപിച്ച് ഇരുവിഭാഗം കോണ്ഗ്രസ് പ്രവര്ത്തകര് തമ്മില് ഏറ്റുമുട്ടുകയും ചെയ്തിരുന്നു. അതിന് പിന്നാലെയാണ് ഇപ്പോള് മഹാഘട്ബന്ധന് മുന്നണിയിലെ കോണ്ഗ്രസിന്റെ സഖ്യകക്ഷിയായ ആര്ജെഡിയും വിവാദത്തില് പെടുന്നത്.
“എനിക്ക് സീറ്റ് നല്കാമെന്ന് ലാലു പ്രസാദ് യാദവ് ഉറപ്പ് നല്കിയിരുന്നു. പക്ഷെ ലാലുവിന്റെ അനുയായി സഞ്ജ് യാദവ് സീറ്റിന് 2.7 കോടി രൂപ ആവശ്യപ്പെട്ടു. പണം നല്കാന് തയ്യാറാകാതിരുന്നിനാല് സീറ്റ് മറ്റൊരാള്ക്ക് നല്കി”- കണ്ണീരൊഴുക്കി മദന് ഷാ പറയുന്നു.
