കോഴിക്കോട്:പൊലീസിനെതിരെ ഫെയ്സ്ബുക്ക് പോസ്റ്റിലൂടെ കലാപാഹ്വാനം നടത്തിയതിനു സുഡാപ്പി ആബിദ് അടിവാരത്തിനെതിരെ കേസെടുത്ത് താമരശേരി പൊലീസ്. താമരശേരി എസ് ഐ സായൂജ് കുമാര് തന്നെയാണ് ആബിദ് അടിവാരത്തിന്റെ ഫെയ്സ്ബുക്ക് പോസ്റ്റ് പരിശോധിച്ചെന്നും അതില് പൊലീസിനെതിരെ കലാപത്തിന് ആഹ്വാനം ചെയ്യുന്ന തരത്തിലുള്ള പോസ്റ്റ് കണ്ടെന്നും വാര്ത്താക്കുറിപ്പില് അറിയിച്ചിരിക്കുന്നത്.
പോസ്റ്റില് പൊലീസിനെ അപകീര്ത്തിപ്പെടുത്തുകയും ഭീഷണിപ്പെടുത്തുകയും ചെയ്യുന്നതായി എസ് ഐ സായൂജ് കുമാര് പറയുന്നു. “വടി തിരിച്ചുവാങ്ങി പൊലീസിനെ അടിക്കാന് ജനങ്ങള് തീരുമാനിച്ചാല് കാക്കിയിട്ടവര്ക്ക് ഓടാന് കണ്ടം മതിയാവാതെ വരും”- പോസ്റ്റില് ആബിദ് അടിവാരം പൊലീസിനെ അധിക്ഷേപിച്ച് പറയുന്നു.
“കേരളത്തില് ആകെ 564 പൊലീസ് സ്റ്റേഷനുകളും 58000 പൊലീസുകാരുമാണ് ഉള്ളത്. മൂന്നരക്കോടി ജനങ്ങളെ 58000 പൊലീസുകാര്ക്ക് നിയന്ത്രിക്കാന് കഴിയുന്നത് പൊലീസിന്റെ മസില് പവര് കൊണ്ടല്ല. രാജ്യത്തിന്റെ ഭരണസംവിധാനത്തോട് പൗരന്മാര് കാണിക്കുന്ന വിശ്വാസം കൊണ്ടാണ്. ആനയ്ക്ക് വടി വെയ്ക്കുന്നത് പോലെ ഒരു ഏര്പ്പാടാണ് ഇത്. മതി സഹിച്ചത് എന്ന് ആനയ്ക്ക് തോന്നുന്ന നിമിഷം വടിയും പാപ്പാനും ചുറ്റുപാടും തീരും.”- ആബിദ് അടിവാരത്തിന്റെ പോസ്റ്റില് പറയുന്നു.
പൊലീസില് പാര്ട്ടികള്ക്ക് സ്ലീപ്പര് സെല്ലുകള് ഉണ്ടെന്നും പാര്ട്ടിക്കാരെ സേനയില് തിരുകിക്കയറ്റാറുണ്ടെന്നും എല്ലാവര്ക്കും അറിയുന്ന കാര്യമാണ്. പാര്ട്ടി വഴി നിയമനം കിട്ടിയവര് ആണെങ്കിലും പൊലീസുകാര് മിനിമം മര്യാദ കാണിക്കണം.അല്ലാതെ പൊലീസുകാര് പാര്ട്ടി ഗുണ്ടകളെപ്പോലെ അടിമപ്പണിയ്ക്കും ഗുണ്ടായിസത്തിനും മുതിരരുത്. നാട് കുട്ടിച്ചോറാകും. വടി മതിയാകാതെ വരും.- ആബിദ് അടിവാരം പറയുന്നു.
ഷാഫി പറമ്പിലിനെ അടിച്ച പൊലീസിനെ സര്വ്വീസില് നിന്നും പിരിച്ചുവിടണമെന്ന് ആവശ്യപ്പെടുന്ന പോസ്റ്റിലാണ് പൊലീസിനെതിരായ ഈ അധിക്ഷേപം.
