തിരുവനന്തപുരം: തലസ്ഥാനത്ത് ഐടി ജീവനക്കാരിയായ യുവതിയെ ഹോസ്റ്റലില് കയറി പീഡിപ്പിച്ചു. കഴക്കൂട്ടത്താണ് സംഭവം.വ്യാഴാഴ്ച രാത്രിയാണ് യുവതി താമസിക്കുന്ന ഹോസ്റ്റലില് കയറി പീഡിപ്പിച്ചത്. സംഭവത്തില് വെള്ളിയാഴ്ച രാവിലെ കഴക്കൂട്ടം പൊലീസ് സ്റ്റേഷനില് എത്തി യുവതി പരാതി നല്കിയിട്ടുണ്ട്.
പ്രതിക്കായി പൊലീസ് അന്വേഷണം ഊര്ജിതമാക്കി.അതേസമയം തനിക്ക് നേരെ അതിക്രമം കാട്ടിയ ആളെ യുവതിക്ക് തിരിച്ചറിയാന് കഴിഞ്ഞിട്ടില്ല.
ഹോസ്റ്റല് മുറിയില് ഒറ്റയ്ക്കായിരുന്നു പെണ്കുട്ടി താമസിച്ചിരുന്നത്. അതിക്രമത്തിനിടെ പെണ്കുട്ടി ഇയാളെ തള്ളി മാറ്റി.തുടര്ന്ന് അയാള് ഇറങ്ങി ഓടി.രാത്രിയില് ഭയം കാരണം കുട്ടി ആരോടും ഇക്കാര്യം പറഞ്ഞില്ല. രാവിലെ പെണ്കുട്ടി സംഭവത്തെക്കുറിച്ച് ഹോസ്റ്റല് വാര്ഡനോട് പറഞ്ഞു.
തുടര്ന്ന് കഴക്കൂട്ടം പൊലീസ് സ്റ്റേഷനില് എത്തി പരാതി നല്കി.വൈദ്യപരിശോധനയ്ക്ക് ഉള്പ്പെടെ വിധേയയാക്കിയതിന് ശേഷം കേസ് രജിസ്റ്റര് ചെയ്തു. കഴക്കൂട്ടം അസിസ്റ്റന്റ് കമ്മീഷണറുടെ നേതൃത്വത്തില് പ്രത്യേക സംഘം രൂപീകരിച്ചാണ് അന്വേഷണം . പ്രദേശത്തെ സിസിടിവി ദൃശ്യങ്ങള് ഉള്പ്പെടെ പരിശോധിച്ച് നഗരം മുഴുവനും കേന്ദ്രീകരിച്ച് അന്വേഷണം ഊര്ജിതമാക്കി.
