തിരുവനന്തപുരം: കള്ളക്കടല് പ്രതിഭാസത്തിന്റെ ഭാഗമായി 17ന് രാത്രി 11.30 വരെ തിരുവനന്തപുരം (കാപ്പില് മുതല് പൊഴിയൂര് വരെ), കൊല്ലം (ആലപ്പാട്ട് മുതല് ഇടവ വരെ) ജില്ലകളിലെ തീരങ്ങളില് 0.8 മുതല് 1.1 മീറ്റര് വരെയും; 17ന് രാത്രി 8.30 വരെ കന്യാകുമാരി (നീരോടി മുതല് ആരോക്യപുരം വരെ) ജില്ലയിലെ തീരങ്ങളില് 1.1 മുതല് 1.4 മീറ്റര് വരെയും ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. കടലാക്രമണത്തിന് സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും നിര്ദ്ദേശത്തില് പറയുന്നു.
