കോട്ടയം: 2009ല് പുറത്തിറങ്ങിയ നീലത്താമര എന്ന ചിത്രത്തിന്റെ റീമേക്കിലൂടെ മലയാള ചലച്ചിത്ര രംഗത്ത് ശ്രദ്ധേയായ നടിയും ടെലിവിഷന് അവതാരകയുമായ അര്ച്ചന കവി വിവാഹിതയായി. റിക്ക് വര്ഗീസാണ് വരന്. അര്ച്ചനയുടെ രണ്ടാം വിവാഹമാണ്. 2016ല് അബീഷ് മാത്യുവിനെ അര്ച്ചന വിവാഹം കഴിച്ചിരുന്നു. 2021ല് പിരിഞ്ഞു.
‘എന്റെ പ്രിയപ്പെട്ടവള് വിവാഹിതയായി’ എന്ന അടിക്കുറിപ്പോടെ
അവതാരകയായ ധന്യ വര്മ്മ തന്റെ ഇന്സ്റ്റാഗ്രാം സ്റ്റോറിയില് പങ്കുവെച്ചതോടെയാണ് വിവാഹ വാര്ത്ത പുറം ലോകം അറിഞ്ഞത്. ഇരുവരും മോതിരം മാറുന്ന വീഡിയോയും ധന്യ പോസ്റ്റ് ചെയ്തു.
നേരത്തെ, ഇന്ഡസ്ട്രിയിലെ ഏറ്റവും മികച്ച ഒരു പുരുഷനെ കണ്ടെത്തിയെന്നും എല്ലാവര്ക്കും അങ്ങനെ തന്നെ ആകണമെന്ന് ആഗ്രഹിക്കുന്നുവെന്നും അര്ച്ചന തന്റെ ഇന്സ്റ്റാഗ്രാം പ്രൊഫൈലില് ഒരു പോസ്റ്റിട്ടിരുന്നു.
ഡേറ്റിങ് ആപ്പിലൂടെയാണ് അര്ച്ചന കവി റിക്കിനെ പരിചയപ്പെടുന്നത്. അത് പിന്നീട് പ്രണയത്തിലേക്കും വിവാഹത്തിലേക്കും എത്തുകയായിരുന്നു
മമ്മി & മി, ബെസ്റ്റ് ഓഫ് ലക്ക്, സാള്ട്ട് എന്’ പെപ്പര്, മഴവില്ലിനട്ടം വരെ, അരവാന്, മോനായി അങ്ങനെ ആണായി, ഡേ നൈറ്റ് ഗെയിം, വണ്സ് അപ്പോണ് എ ടൈം ദെയര് വാസ് എ കള്ളന് തുടങ്ങിയ ചിത്രങ്ങളില് അര്ച്ചന അഭിനയിച്ചിട്ടുണ്ട്.
