തിരുവനന്തപുരം:വെള്ളാപ്പള്ളി നടേശന്റെ നിലവാരത്തിലേക്ക് താഴാന് താനില്ലെന്ന് ഗതാഗത വകുപ്പ് മന്ത്രി കെ ബി ഗണേഷ്കുമാര്.വെള്ളാപ്പള്ളിയുടെ മോശം ഭാഷ വെള്ളാപ്പള്ളിയുടെ സംസ്കാരമാണ്.
ഒരോരുത്തരുടെയും പ്രതികരണം അവരവരുടെ സംസ്കാരം അനുസരിച്ചായിരിക്കും.പക്വതയും സംസ്കാരവും ഇല്ലാത്തവരും ഈ രീതിയില് പ്രതികരിക്കും.വെള്ളാപ്പള്ളിക്ക് മറുപടി പറയുന്നില്ലെന്നും ഗണേഷ് കുമാര് മാധ്യമങ്ങളോട് പറഞ്ഞു.
നേരത്തേ ഗണേഷ് കുമാര് അഹങ്കാരത്തിന് കൈയും കാലും വെച്ചവനാണെന്ന് വെളളാപ്പളളി പറഞ്ഞിരുന്നു. കുടുംബത്തിന് പാര പണിതവനാണെന്നും വെള്ളാപ്പള്ളി കുറ്റപ്പെടുത്തി.ഫ്യൂഡല് മാടമ്പിക്കും അപ്പുറമാണ് ഗണേഷ് കുമാര്. അവന്റെ പാരമ്പര്യം ആണിത്.
ദൈവനാമമായ തന്റെ പേര് ഇടയ്ക്കിടയ്ക്ക് പറഞ്ഞാല് വെള്ളാപ്പള്ളിക്ക് മോക്ഷം കിട്ടുമെന്ന് ഗണേഷ് കുമാറിന്റെ പരിഹാസത്തോടു പ്രതികരിക്കുകയായിരുന്നു എസ്എന്ഡിപി യോഗം ജനറല് സെക്രട്ടറി
‘ഗണേശന് എന്ന് പല പ്രാവശ്യം പറഞ്ഞെങ്കില് പുണ്യം കിട്ടുമെന്ന്. ഏത് ഗണേശനാണ്, വിഘ്നേശ്വരനാണ് ഗണേശന്. അവന്റെ തന്തയാണ് നടേശന്. നടേശന് ആരാണ്, ശിവന്. തന്തക്കിട്ട് പാരവെച്ച ഈ ഗണേശനെ കുറിച്ച് എന്ത് പറയാനാണ്. തന്തക്കിട്ടും അമ്മക്കിട്ടും പെങ്ങള്ക്കിട്ടും പാരവെച്ചില്ലേ ഈ ഗണേശന്?. ഇത് ഡൂപ്ലിക്കേറ്റ് ഗണേശന്. ട്രാന്സ്പോര്ട്ട് മന്ത്രിയല്ലേ. ഒരു ട്രാന്സ്പോര്ട്ട് മന്ത്രി പാരലായി ട്രാന്സ്പോര്ട്ട് നടത്താമോ’ -വെള്ളാപ്പള്ളി ചോദിച്ചു.
സരിതാ എസ് നായരെ ഉപയോഗിച്ച് മന്ത്രി സ്ഥാനം നേടിയ ആളാണ് ഗണേഷ് കുമാറെന്നും വെള്ളാപ്പള്ളി ആരോപിച്ചു. സ്വന്തം അച്ഛന് വരെ പണി കൊടുത്തയാളാണെന്നും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ചൂണ്ടിക്കാട്ടി.
