ബെംഗളൂരു ; ആർ എസ് എസ് പരിപാടികളിൽ പങ്കെടുക്കുന്ന സർക്കാർ ജീവനക്കാരെ സസ്പെൻഡ് ചെയ്യുമെന്ന് കർണാടക മന്ത്രി പ്രിയങ്ക് ഖാർഗെ . പൊതുസ്ഥലങ്ങളിലും സർക്കാർ സ്ഥലങ്ങളിലും ആർഎസ്എസ് പ്രവർത്തനങ്ങൾ വിലക്കണമെന്ന് ആവശ്യപ്പെട്ട് മുഖ്യമന്ത്രി സിദ്ധരാമയയ്ക്ക് പ്രിയങ്ക് ഖാർഗെ അടുത്തിടെ കത്ത് നൽകിയിരുന്നു . അതിനു പിന്നാലെയാണ് പുതിയ നീക്കം .
‘ ആർഎസ്എസ് പ്രവർത്തനങ്ങളിൽ സർക്കാർ ജീവനക്കാർ പങ്കെടുക്കുന്നത് നിർത്തണം . സർക്കാർ ജീവനക്കാർ ആർഎസ്എസ് പ്രവർത്തനങ്ങളിൽ പങ്കെടുക്കുന്നതായി അറിഞ്ഞു. കർണാടക സിവിൽ സർവീസ് നിയമങ്ങളുണ്ട്. കഴിഞ്ഞ ദിവസം, ചിലർ ഒരു ആർഎസ്എസ് പരിപാടിയിൽ പങ്കെടുത്തു. ഞങ്ങളുടെ വകുപ്പിൽ നിന്നുള്ള ചിലരും പോയി. അതിൽ റിപ്പോർട്ട് ആവശ്യപ്പെട്ടിട്ടുണ്ട് . ആർഎസ്എസ് പരിപാടിയിൽ പോയവരെ ഞാൻ സസ്പെൻഡ് ചെയ്യും.” പ്രിയങ്ക് ഖാർഗെ പറഞ്ഞു.
അതേസമയം നിരവധി പേരാണ് പ്രിയങ്ക് ഖാർഗെയെ വിമർശിച്ച് രംഗത്തെത്തിയിരിക്കുന്നത് . ആർ എസ് എസ് പരിപാടിയ്ക്ക് പോകുന്ന സർക്കാർ ജീവനക്കാരെ സസ്പെൻഡ് ചെയ്യാൻ നിന്നാൽ പിന്നെ വകുപ്പുകളിൽ ജീവനക്കാർ ഉണ്ടാകില്ലെന്നും, എത്ര പേരെ ഇത്തരത്തിൽ പുറത്താക്കുമെന്നും കർണാടകയിലെ ആർ എസ് എസ് പ്രവർത്തകർ ചോദിക്കുന്നു.
