തിരുവനന്തപുരം: ശബരിമലയിലെ അയ്യപ്പസ്വാമിയുടെ നാലരക്കിലോ സ്വര്ണം കൊള്ളയടിച്ച പിണറായി സര്ക്കാരിനെ ജനം പുറത്താക്കുമെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര്. കേരള സമൂഹത്തിലെ എല്ലാ വിഭാഗം ജനങ്ങളേയും ബിജെപിക്കൊപ്പം അണിനിരത്തി തെരഞ്ഞെടുപ്പ് വിജയം നേടുമെന്നും സംസ്ഥാന സെല് കണ്വീനര് മീറ്റ് ഉദ്ഘാടനം ചെയ്തു കൊണ്ട് സംസ്ഥാന പ്രസിഡന്റ് പറഞ്ഞു.
ഇടതുവലതു മുന്നണികളുടെ നുണപ്രചാരണങ്ങള് തുറന്നു കാട്ടണം. മാറിമാറി കേരളം ഭരിച്ച പാര്ട്ടികള് ജനങ്ങളെ സമ്പൂര്ണ്ണമായി പറ്റിച്ചു. പ്രീണന രാഷ്ട്രീയം മാത്രമാണ് ഇരുമുന്നണികളും മുന്നോട്ട് വെയ്ക്കുന്നത്. എറണാകുളത്തെ ക്രൈസ്തവ മാനേജ്മന്റ് സ്കൂളില് ഹിജാബിന്റെ പേരില് എസ്ഡിപിഐ അനാവശ്യമായി പ്രശ്നം സൃഷ്ടിച്ചപ്പോള് പ്രതികരിച്ചത് ബിജെപി മാത്രമാണന്നും സംസ്ഥാന അധ്യക്ഷന് കൂട്ടിച്ചേര്ത്തു. സംസ്ഥാന ജനറല് സെക്രട്ടറി അനൂപ് ആന്റണി, സംസ്ഥാന സെല് കോ ഓര്ഡിനേറ്റര് വി.കെ. സജീവ്, സജിനി നമ്പ്യാര് എന്നിവര് പ്രസംഗിച്ചു.
