പത്തനംതിട്ട: ശബരിമലയ്ക്ക് പിന്നാലെ ആറന്മുള ക്ഷേത്രത്തിലും ഉയര്ന്ന ആചാരലംഘന വിവാദത്തില് ദേവസ്വം ബോര്ഡും മന്ത്രി വി.എന് വാസവനും വീണ്ടും പ്രതിക്കൂട്ടില്. ആറന്മുള വള്ളസദ്യയില് ആചാരലംഘനം നടന്നിട്ടില്ലെന്ന് ആദ്യം പറഞ്ഞ പള്ളിയോട സേവാ സംഘം നിലപാട് തിരുത്തി. വള്ളസദ്യ നടത്തിപ്പ് പൂര്ണ്ണമായി ഏറ്റെടുക്കാനുള്ള ദേവസ്വം ബോര്ഡിന്റെ ഗൂഢാലോചനയാണ് വിവാദത്തിന് പിന്നിലെന്ന് പ്രസിഡണ്ട് കെ വി സാംബദേവന് പറഞ്ഞു. സെപ്റ്റംബര് 14 ന് നടന്ന ആറന്മുള അഷ്ടമിരോഹിണി വള്ളസദ്യയിലാണ് ആചാരലംഘനം ഉണ്ടായത്. ദേവന് നേദിക്കും മുന്പ് ദേവസ്വം മന്ത്രിക്ക് സദ്യ വിളമ്പുകയായിരുന്നു.
ആറന്മുള അഷ്ടമിരോഹിണി വള്ളസദ്യയ്ക്കിടെ ആചാരലംഘനം നടന്നെന്നും പരിഹാരക്രിയ വേണമെന്നും ക്ഷേത്രം തന്ത്രി കഴിഞ്ഞ ദിവസം ദേവസ്വം ബോര്ഡിനോട് ആവശ്യപ്പെട്ടതോടെ വിവാദം വീണ്ടും കത്തിപ്പടരുകയായിരുന്നു.
അഷ്ടമരോഹിനി വള്ളസദ്യയുടെ അതേ മാതൃകയില് പരിഹാര ക്രിയ ചെയ്യണമെന്നാണ് തന്ത്രിയുടെ നിര്ദ്ദേശം.
