ആലപ്പുഴ: എംഡിഎംഎ വില്പന നടത്തി വന്ന അഭിഭാഷകയും മകനും പിടിയില്. അമ്പലപ്പുഴ കരൂര് കൗസല്യ നിവാസില് സൗരവ് ജിത്ത് (19), സത്യമോള് (46) എന്നിവരാണ് പിടിയിലായത്.
സത്യമോള് കരുനാഗപ്പള്ളി കുടുംബ കോടതിയില് അഭിഭാഷകയാണ്. പറവൂരിലെ ഹോട്ടലിന് മുന്നില് നിന്ന് മൂന്ന് ഗ്രാം എംഡിഎംഎയുമായാണ് ഇരുവരും പിടിയിലായത്.
മാസത്തില് പലവട്ടം എറണാകുളത്ത് പോയി ലഹരിവസ്തുക്കള് വാങ്ങി നാട്ടിലെത്തിച്ച് അമിത ലാഭമുണ്ടാക്കി ആഡംബര ജീവിതം നയിക്കുകയായിരുന്നു ഇരുവരും.അമ്മയും മകനും ഒന്നിച്ചാണ് പലപ്പോഴും മയക്കുമരുന്ന് വാങ്ങാന് പോയിരുന്നത്.സൗരവ് ജിത്ത് നിരവധി ക്രിമിനല് കേസുകളില് പ്രതിയാണ്.
കാറില് അഭിഭാഷക സ്റ്റിക്കര് പതിച്ചായിരുന്നു ഇവരുടെ യാത്ര.പൊലീസ് പരിശോധനകളില് നിന്ന് രക്ഷപ്പെടാന് ആയിരുന്നു ഈ തന്ത്രം.
