ഇന്ത്യയുടെ ബുള്ളറ്റ് ട്രെയിന് ചൈന തുരങ്കം വെച്ചതെങ്ങിനെ? ഒടുവില്‍ ഇന്ത്യയ്‌ക്ക് ആശ്വാസമായത് ജര്‍മ്മന്‍ ചാന്‍സലര്‍….

ന്യൂദല്‍ഹി: ഇന്ത്യയുടെ ബുള്ളറ്റ് ട്രെയിന്‍ (Bullet Train) പദ്ധതിയെ തുരങ്കം വെയ്‌ക്കാന്‍ ചൈന ശ്രമിച്ചിരുന്നു. തുരങ്കം കുഴിക്കാന്‍ ഉപയോഗിക്കുന്ന ടണല്‍ ബോറിംഗ് മെഷീന്‍ (തുരങ്കം കുഴിക്കാനുപയോഗിക്കുന്ന പ്രത്യേക യന്ത്രം) ഇന്ത്യയ്‌ക്ക് നല്‍കുന്നത് തടയുകയായിരുന്നു ചൈന.

ഇത് ബുള്ളറ്റ് ട്രെയിന്‍ പദ്ധതിയെ മാത്രമല്ല, തുരങ്കം നിര്‍മ്മിക്കേണ്ടതായ മറ്റ് പല വികസനപദ്ധതികളേയും താളം തെറ്റിച്ചു. ഇതോടെ ഇന്ത്യയുടെ വാണിജ്യ മന്ത്രി പീയൂഷ് ഗോയല്‍ ജര്‍മ്മന്‍ ചാന്‍സലറെ കണ്ട് വിവരം ധരിപ്പിച്ചു.

ജര്‍മ്മന്‍ ചാന്‍സലര്‍ തുരങ്കം കുഴിക്കാനുള്ള ടണല്‍ ബോറിംഗ് മെഷീന്‍ (Tunnel Boring Machine) നിര്‍മ്മിയ്‌ക്കുന്ന വിദഗ്ധ ജര്‍മ്മന്‍ കമ്പനിയായ ഹെറന്‍ക്നെക്റ്റ് (Herrenknecht) എന്ന കമ്പനിയെ കാര്യങ്ങള്‍ ബോധിപ്പിച്ചു. ജര്‍മ്മന്‍ കമ്പനി ഇന്ത്യയില്‍ ടണല്‍ തുരക്കുന്ന യന്ത്രം നിര്‍മ്മിക്കാനുള്ള ഒകു ഉല്‍പാദന കമ്പനി തന്നെ ആരംഭിച്ചു. അങ്ങിനെ ചൈന തുരങ്കം വെയ്‌ക്കാന്‍ ശ്രമിച്ച ഇന്ത്യയുടെ ബുള്ളറ്റ് ട്രെയിന്‍ പദ്ധതി മുന്നോട്ട് കുതിക്കാന്‍ തുടങ്ങി.

ഇന്ത്യയുടെ ബുള്ളറ്റ് ട്രെയിനിലേക്കുള്ള കുതിപ്പിന് തടയിടാന്‍ ചൈന

ഇന്ത്യ അതിവേഗം ബുള്ളറ്റ് ട്രെയിന്‍ എന്ന സ്വപ്നത്തിലേക്ക് കുതിക്കുകയാണ്. മുംബൈയില്‍ നിന്നും അഹമ്മദാബാദിലേക്കാണ് ഇന്ത്യയുടെ ആദ്യ ബുള്ളറ്റ് ട്രെയിന്‍ ഓടുക. ഇതിന്റെ ഭാഗമായി ബാന്ദ്ര കുര്‍ള കോംപ്ലക്സിലെ തുരങ്കത്തിന്റെ ആദ്യഘട്ടമായി 2.7 കിലോമീറ്റര് ‍ദൂരത്തിലുള്ള തുരങ്ക പാതയുടെ നിര്‍മ്മാണം പൂര്‍ത്തിയായി. ഇന്ത്യയുടെ ബുള്ളറ്റ് ട്രെയിനിലേക്കുള്ള കുതിപ്പിന് തടയിടാനാണ് ചൈന തുരങ്കും കുഴിക്കുന്ന യന്ത്രം ഇന്ത്യയ്‌ക്ക് നിഷേധിച്ചത്. അവിടെയാണ് ഇന്ത്യയെ ജര്‍മ്മനി രക്ഷിച്ചത്.

ബാന്ദ്ര കുര്‍ള കോംപ്ലക്സില്‍ നിന്നും ശില്‍ഫാട്ട വരെ 21 കിലോമീറ്റര്‍ ദൂരത്തിലാണ് തുരങ്കം നിര്‍മ്മിക്കുന്നത്. ഇതില്‍ ഏഴ് കിലോമീറ്റര്‍ കടലിനടിയിലൂടെയാണ്. ബാന്ദ്ര കുര്‍ള കോംപ്ലക്സില്‍ നിന്നും ആരംഭിക്കുന്ന തുരങ്കം വിക്രോളി, ഘണ്‍സോളി മേഖലയിലൂടെയാണ് കടന്നുപോകുന്നത്.

മുംബൈയില്‍ നിന്നും അഹമ്മദാബാദിലേക്ക് 508 കിലോമീറ്റര്‍ ദൂരത്തിലാണ് ബുള്ളറ്റ് ട്രെയിന്‍ പാത. 1.8 ലക്ഷം കോടി രൂപ ചെലവിലാണ് ബുള്ളറ്റ് ട്രെയിന്‍ പദ്ധതി. രണ്ട് തരം ബുള്ളറ്റ് ട്രെയിനുകളാണ് ഉണ്ടാവുക. ഇതില്‍ ലിമിറ്റഡ് മുംബൈയില്‍ നിന്നും അഹമ്മദാബാദിലേക്ക് രണ്ട് മണിക്കൂറില്‍ എത്താം.

സാദാ ബുള്ളറ്റ് ട്രെയിനാണെങ്കില്‍ രണ്ടര മണിക്കൂര്‍ എടുക്കും. ഒരു സംസ്ഥാനത്തെ ഒരു നഗരത്തില്‍ നിന്നും മറ്റൊരു നഗരത്തിലേക്ക് പോകുന്ന സമയം മാത്രം..പദ്ധതിക്കായി ഇതുവരെ 67000 കോടി രൂപ ചെലവഴിച്ചു.