ഇസ്ലാമബാദ് ::തെക്കന് പാകിസ്ഥാന് ഭാഗത്ത് താലിബാന്കാരുടെ ആക്രമണമാണെങ്കില് ലാഹോര് ഉള്പ്പെടെയുള്ള നഗരങ്ങളില് തെഹ്റീക് ഇ ലബ്ബായിക് (ടിഎല്പി) എന്ന ഭീകരസംഘടനയും അസിം മുനീറിനും ഷെഹ്ബാസ് ഷെരീഫിനും തലവേദനയാകുന്നു. തുടര്ച്ചയായ ആക്രമണങ്ങളില് പാക് സൈനികര്ക്കും വന്തോതില് നാശനഷ്ടങ്ങള് നേരിടേണ്ടിവരുന്നുണ്ട്. ഒരു കാലത്ത് പാക് സൈന്യത്തിന്റെ പങ്കാളിയായാണ് ടിഎല്പി അറിയപ്പെടുന്നെങ്കിലും ഒക്ടോബറില് പാക് സര്ക്കാരിനും സൈന്യത്തിനും എതിരെ ശക്തമായ പ്രതിഷേധങ്ങളാണ് ടിഎല്പി നടത്തുന്നത്. ഇതോടെ അസിം മുനീറില് നിന്നും ടിഎല്പി അകലുകയാണെന്ന് വിശ്വസിക്കപ്പെടുന്നു.
തിങ്കളാഴ്ച ലാഹോര് നഗരത്തില് ഇസ്രയേലിനെതിരെ പ്രതിഷേധപ്രകടനം നടത്തിയ ടിഎല്പി പ്രവര്ത്തകര്ക്കെതിരെ പാക് സൈന്യം നടത്തിയ വെടിവെയ്പില് 200 പേര് കൊല്ലപ്പെട്ടു. ടിഎല്പി നേതാവ് ഹഫീസ് സാദ് ഹുസൈന് റിസ് വിയ്ക്ക് വെടിയേറ്റിട്ടുണ്ട്.പാക് ആഭ്യന്തരമന്ത്രി മൊഹ്സിന് നഖ് വിയും പ്രധാനമന്ത്രി ഷെഹ്ബാസ് ഷെരീഫും ടിഎല്പി നേതാവ് സാദ് റിസ് വിയ്ക്ക് വെടിയേറ്റതിനെ തുടര്ന്ന് സുരക്ഷാസാഹചര്യങ്ങള് വിലയിരുത്തി വരികയാണ്. ടിഎല്പിയുടെ അടുത്ത അമീര് ആണ് സാദ് റിസ് വി. അദ്ദേഹത്തെ വെടിവെച്ച പാക് പട്ടാളത്തിനെതിരെ തീര്ച്ചയായും വന് കലാപം അടുത്ത ദിവസം പ്രതീക്ഷിക്കാം. സാദ് ഹുസൈന് റിസ് വി ഗുരുതരാവസ്ഥയില് ചികിത്സയിലാണ്. ഇതോടെ കൂടുതല് ശക്തമായി പാക് പട്ടാളത്തിനും സര്ക്കാരിനും എതിരെ ആഞ്ഞടിക്കാനുള്ള തയ്യാറെടുപ്പിലാണ് ടിഎല്പി പ്രവര്ത്തകര്. പാകിസ്ഥാനിലെ നാലാമത്തെ വലിയ പാര്ട്ടിയാണ് ടിഎല്പി എന്ന ഇസ്ലാം മതമൗലിക പാര്ട്ടി.
ലാഹോറിലും കറാച്ചിയിലും ഗാസാ മാര്ച്ചുകള് സംഘടിപ്പിച്ച് പട്ടാളവുമായി ഏറ്റുമുട്ടുന്ന ടിഎല്പി അസിം മുനീറിനും ഷെഹ്ബാസ് ഷെരീഫിനും ഒരു പോലെ തലവേദനയാണ്.
ഇതിന് സമാന്തരമായി താലിബാനും പാക് സൈന്യവും തമ്മില് ശക്തമായ ഏറ്റുമുട്ടല് തെക്കന് പാകിസ്ഥാന് പ്രദേശമായ ഹെല്മണ്ട് പ്രവിശ്യയില് നടക്കുന്നുണ്ട്. അഫ്ഗാനിസ്ഥാനിലെ കാബൂളില് വ്യോമാക്രമണം നടത്തിയ പാകിസ്ഥാനെതിരെ ശക്തമായ തിരിച്ചടിയാണ് താലിബാന് സൈന്യം നല്കിയത്. താലിബാന് ആക്രമണത്തില് 58 പാക് സൈനികര് കൊല്ലപ്പെട്ടു. നിരവധി പാക് പട്ടാളക്കാര്ക്ക് പരിക്കേറ്റു. അതിശക്തമായ താലിബാന് തിരിച്ചടിയില് നിരവധി പാക് സൈനികര് അവരുടെ സൈനികപോസ്റ്റില് നിന്നും ഓടിരക്ഷപ്പെടുന്ന വീഡിയോ കഴിഞ്ഞ ദിവസം പ്രചരിച്ചിരുന്നു. പാക് സൈന്യത്തിന്റെ ദൗര്ബല്യം വെളിവാകുന്നതായിരുന്നു ഈ ഭീരുത്വപ്രകടനം. താലിബാനെ നേരിടാന് സൗദിയുടെ സഹായം പാകിസ്ഥാന് തേടിയെങ്കിലും അത് നിഷേധിക്കുകയായിരുന്നു കിരീടാവകാശിയായ മുഹമ്മദ് ബിന് സല്മാന്. ഇതോടെ പാകിസ്ഥാനെ ആരെങ്കിലും ആക്രമിച്ചാല് അവരെ സൗദി തിരിച്ചടിക്കുമെന്ന പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫിന്റെ അവകാശവാദം പൊളിഞ്ഞു. രണ്ട് ഇസ്ലാമിക മതമൗലികവാദ ഗ്രൂപ്പുകളുടെ ആക്രമണത്തിനിടയില്പ്പെട്ട് ഞെരുങ്ങുന്ന പാകിസ്ഥാനെ സഹായിക്കാന് അമേരിക്കയോ തുര്ക്കിയോ സൗദിയോ രംഗത്തില്ല.
ഇതിനിടയിലാണ് ഇന്ത്യയ്ക്കെതിരെ ചില ഭീകരാക്രമണം നടത്താന് പാകിസ്ഥാന് ഭീകരരെ ഒരുക്കുന്നതായ വാര്ത്ത രണ്ടാഴ്ച മുന്പ് പ്രചരിച്ചത്. സര് ക്രീക്ക് എന്ന ഗുജറാത്തിനടത്തുന്നുള്ള ഇന്തോ-പാക് അതിര്ത്തിപ്രദേശത്താണ് പാക് ഭീകരരും സൈന്യും ചില നീക്കങ്ങള് നടത്തുന്നതായി വാര്ത്തയുണ്ടായിരുന്നത്. എന്നാല് താലിബാന്റെയും തെഹ്രീക് ഇ ലബ്ബായിക് പാകിസ്ഥാന്റെയും ആക്രമണങ്ങള് ശക്തമായതോടെ സ്വന്തം രാജ്യത്തെ പല കഷണങ്ങളായി മുറിയുന്നതില് നിന്നും രക്ഷിക്കാന് പെടാപ്പാട് പെടുകയാണ് അസിം മുനീറും ഷെഹ്ബാസ് ഷെരീഫും.
