ബെംഗളൂരു : ആഡംബര കാർ വാങ്ങാൻ കാളവണ്ടിയിൽ വന്ന് ബെംഗളൂരുവിലെ യുവ കർഷകൻ . എസ്എസ്ആർ സഞ്ജു എന്ന കർഷകനാണ് കാളവണ്ടിയിൽ വന്ന് ടൊയോട്ട വെൽഫയർ കാർ വാങ്ങിയത് . സഞ്ജുവിന് ഇതിനകം പുതിയ കാറുകളുടെ ഒരു ശേഖരം തന്നെ ഉണ്ട്. കാളവണ്ടി ഓടിക്കുന്ന കർഷകർക്കും കാർ വാങ്ങാമെന്ന് അറിയിക്കാനാണ് തന്റെ ഈ യാത്രയെന്നാണ് സഞ്ജു പറയുന്നത്.
“കർഷകൻ ഒരു ആഡംബര കാർ വാങ്ങുന്നു” എന്ന കുറിപ്പിനൊപ്പമുള്ള വീഡിയോ ഇതിനോടകം വൈറലായി കഴിഞ്ഞു . സഞ്ജു തന്റെ മക്കൾക്കൊപ്പമാണ് കാർ വാങ്ങാൻ എത്തിയത് . മഞ്ഞ പോർഷെ പനാമേര, ഫോർഡ് മുസ്താങ്, മസെരാട്ടി ലെവാന്റെ, ടൊയോട്ട ഇന്നോവ ഹിക്രോസ്, ടൊയോട്ട ഫോർച്യൂണർ എന്നിവയുൾപ്പെടെ നിരവധി ആഡംബര കാറുകൾ കാളവണ്ടിയെ പിന്തുടരുന്നത് കാണാം. കർഷകന് സുരക്ഷാ ഗാർഡുകളും ഉണ്ട്.
