ലുധിയാന: വാല്മീകി സമൂഹത്തിന്റെ വികാരം വ്രണപ്പെടുത്തിയെന്ന പരാതിയില് ഹിന്ദി വാര്ത്താ ചാനലായ ആജ് തക്കിന്റെ അവതാരകയും പത്രപ്രവര്ത്തകയും മാനേജിംഗ് എഡിറ്ററുമായ അഞ്ജന ഓം കശ്യപ്, ഇന്ത്യാ ടുഡേ ഗ്രൂപ്പ് ചെയര്മാനും എഡിറ്റര്-ഇന്-ചീഫുമായ അരൂണ് പുരി, ഇന്ത്യാ ടുഡേ ഗ്രൂപ്പ് എന്നിവര്ക്കെതിരെ ലുധിയാന പോലീസ് കേസെടുത്തു.
ഭാരതീയ വാല്മീകി ധര്മ്മ സമാജിന്റെ പരാതിയില് എഫ്ഐആര് രജിസ്റ്റര് ചെയ്തിട്ടുണ്ട്. ഫേസ്ബുക്ക് പോലുള്ള ചാനലിന്റെ ഔദ്യോഗിക സോഷ്യല് മീഡിയ പേജുകള് വഴി സംപ്രേഷണം ചെയ്ത തന്റെ ഷോയില് പുരാതന സന്യാസിയായ വാല്മീകിക്കെതിരെ അഞ്ജന ഓം കശ്യപ് അപകീര്ത്തികരമായ പരാമര്ശങ്ങള് നടത്തിയതായി സംഘടന ആരോപിച്ചു .
സമാജ് ദേശീയ കോ-ഓര്ഡിനേറ്റര് ചൗധരി യശ്പാല്, ലുധിയാനയിലെ മൊഹല്ല ഘടി വാല്മീകി എന്നിവരുടെ പരാതിയിലാണ് എഫ്ഐആര് രജിസ്റ്റര് ചെയ്തിരിക്കുന്നത്.
