തിരുവനന്തപുരം: ലോക്സഭാംഗമായ ഷാഫി പറമ്പിലിന് പൊലീസ് മര്ദ്ദനമേറ്റ സംഭവത്തില് ലോക്സഭാ സ്പീക്കര്ക്ക് പരാതി നല്കി യൂത്ത് കോണ്ഗ്രസ് മുന് ദേശീയ കോ ഓര്ഡിനേറ്റര് വിനീത് തോമസ്. ഷാഫിക്ക് സുരക്ഷ ഒരുക്കാന് നിര്ദ്ദേശിക്കണമെന്നും കുറ്റക്കാരായ ഉദ്യോഗസ്ഥര്ക്ക് എതിരെ നടപടിക്ക് നിര്ദ്ദേശിക്കണമെന്നും പരാതിയില് ആവശ്യപ്പെട്ടിട്ടുണ്ട്.
അതേസമയം പൊലീസുകാര്ക്കെതിരെ നടപടി വേണമെന്ന് രമേശ് ചെന്നിത്തല ആവശ്യപ്പെട്ടു. ഷാഫിയെ നിരന്തരമായി വേട്ടയാടുകയാണ്. ഇത് അനുവദിക്കില്ല. എംപിയെ കണ്ടാല് പൊലീസുകാര്ക്ക് തിരിച്ചറിയില്ലേയെന്നും അദ്ദേഹം ആരാഞ്ഞു.
ഷാഫിക്കെതിരായ കേസ് ശബരിമല കൊള്ളയില് നിന്നും രക്ഷപ്പെടാനുള്ള സര്ക്കാര് ശ്രമമാണെന്ന് കെസി വേണുഗോപാല് ആരോപിച്ചു.
