സ്റ്റോക്ക്ഹോം: 2025 ലെ രസതന്ത്ര നൊബേല് പുരസ്കാരം മൂന്ന് ഗവേഷകര്ക്ക്. സുസുമ കിറ്റഗാവ, റിച്ചാര്ഡ് റോബ്സണ്, ഒമര് എം. യാഘി എന്നിവരാണ് നൊബേലിന് അര്ഹരായത്.
മെറ്റല് – ഓര്ഗാനിക് ഫ്രെയിം വര്ക്കുകളുടെ വികസനത്തിനാണ് പുരസ്കാരം. മരുഭൂമിയിലെ വായുവില് നിന്ന് പോലും ജലം ശേഖരിക്കാനും അന്തരീക്ഷത്തില് നിന്ന് കാര്ബണ് ഡൈ ഓക്സൈഡ് ഉള്പ്പെടെ വാതകങ്ങള് പിടിച്ചെടുക്കാനും പറ്റുന്ന വസ്തുക്കള് നിര്മ്മിക്കുന്നതും സാധ്യമാക്കിയ കണ്ടുപിടുത്തമാണ് ഇവരെ പുരസ്കാര നേട്ടത്തിന് അര്ഹരാക്കിയത്.
റോയല് സ്വീഡിഷ് അക്കാദമി ഓഫ് സയന്സസ് പ്രതിനിധികളാണ് പുരസ്കാരം പ്രഖ്യാപിച്ചത്. ഇത്തവണത്തെ ഭൗതിക ശാസ്ത്ര നൊബേല് കഴിഞ്ഞ ദിവസം പ്രഖ്യാപിച്ചിരുന്നു. ജോണ് ക്ലാര്ക്, മൈക്കള് എച്ച് ഡെവോറെറ്റ്, ജോണ് എം മാര്ട്ടിനിസ് എന്നിവരാണ് പുരസ്കാരത്തിന് അര്ഹരായത്. മാക്രോസ്കോപ്പിക് ക്വാണ്ടം മെക്കാനിക്കല് ടണ്ണലിംഗും ഇലക്ട്രി സെര്ക്യൂട്ടിലെ ഊര്ജ്ജ ക്വാണ്ടൈസേഷനും കണ്ടുപിടിച്ചതിനാണ് പുരസ്കാരം.
