കൊച്ചി: കസ്റ്റംസ് പിടിച്ചെടുത്ത ലാന്ഡ് റോവര് ഡിഫന്ഡര് താല്ക്കാലികമായി വിട്ടുകൊടുക്കണമെന്ന ദുല്ഖര് സല്മാന്റെ അപേക്ഷയില് ഒരാഴ്ചയ്ക്കുള്ളില് തീരുമാനമെടുക്കണമെന്ന് ഹൈക്കോടതി നിര്ദ്ദേശിച്ചു. മതിയായ കാരണങ്ങളില്ലാതെ കാര് പിടിച്ചെടുത്തതിന് കസ്റ്റംസിനെ ജസ്റ്റിസ് സിയാദ് റഹ്മാന് വിമര്ശിച്ചു.
ഹര്ജിക്കാരന് കൊച്ചിയിലെ കസ്റ്റംസ് അഡീഷണല് കമ്മീഷണറെ സമീപിച്ച് സെക്ഷന് 110 എ പ്രകാരം അപേക്ഷ നല്കാം. അപേക്ഷ സമര്പ്പിച്ച തീയതി മുതല് ഒരു ആഴ്ചയ്ക്കുള്ളില് ഹര്ജിക്കാരന്റെയോ അഭിഭാഷകന്റെയോ വിശദീകരണം കേട്ട ശേഷം ഉചിതമായ തീരുമാനമെടുക്കണം 20 വര്ഷമായി അധികാരികള് നല്കിയ രജിസ്ട്രേഷന്റെ അടിസ്ഥാനത്തിലാണ് വാഹനം ഓടിച്ചിരുന്നതെന്ന വസ്തുത പരിഗണിക്കണമെന്നും ഹൈക്കോടതി കസ്റ്റംസിനോട് നിര്ദേശിച്ചു.
