തിരുവനന്തപുരം: ശബരിമല സ്വര്ണപ്പാളി വിവാദത്തില് സസ്പന്ഡ് ചെയ്യപ്പെട്ട തിരുവിതാംകൂര് ദേവസ്വം ഡെപ്യൂട്ടി കമ്മീഷണര് ബി മുരാരി ബാബു തനിക്ക് വീഴ്ച സംഭവിച്ചിട്ടില്ലെന്ന വാദവുമായി രംഗത്ത്. അന്ന് ശബരിമല എക്സിക്യൂട്ടീവ് ഓഫീസറായിരുന്നു ഇദ്ദേഹം.
2025ല് ഉണ്ണികൃഷ്ണന് പോറ്റിയുടെ കൈവശം സ്വര്ണപ്പാളികൊടുത്തുവിട്ടതും മുരാരിബാബുവാണ്. അന്ന് ശബരിമല എക്സിക്യൂട്ടീവ് ഓഫീസറായിരുന്നു.2019 ല് സ്വര്ണം ചെമ്പാണെന്ന് എഴുതിയതും മുരാരി ബാബു ആയിരുന്നു.
മഹസറില് ചെമ്പ് പാളിയെന്ന് രേഖപ്പെടുത്തിയത് തന്ത്രിയുടെ കത്തിന്റെ അടിസ്ഥാനത്തിലാണെന്ന് മുരാരി ബാബു പറഞ്ഞു.പ്രാഥമിക റിപ്പോര്ട്ട് മാത്രമാണ് താന് നല്കിയത്. താന് റിപ്പോര്ട്ട് സമര്പ്പിച്ച ശേഷം അതിന് മുകളിലുള്ള ഉദ്യോഗസ്ഥരും ബോര്ഡും പരിശോധിക്കേണ്ടതുണ്ടായിരുന്നില്ലേ എന്നും അദ്ദേഹം ഓര്മ്മിപ്പിച്ചു.
ദ്വാരപാലകരിലും കട്ടിളയിലും നേരിയ തോതിലാണ് സ്വര്ണം പൂശിയതെന്നതിനാലാണ് ചെമ്പ് തെളിഞ്ഞതെന്നും മുരാരി ബാബു പറഞ്ഞു. 2019 ല് ദ്വാരപാലക ശില്പങ്ങളില് ചെമ്പ് തെളിഞ്ഞു.
ഉദ്യോഗസ്ഥന് എന്ന നിലയില് ദേവസ്വം ബോര്ഡിന്റെ നടപടി അംഗീകരിക്കുന്നുണ്ടെങ്കിലും, തന്നെ മാത്രം ലക്ഷ്യമിട്ടതിലുള്ള വിയോജിപ്പ് അദ്ദേഹം പരോക്ഷമായി അറിയിച്ചു.
