തിരുവനന്തപുരം: ആരോപണങ്ങൾക്ക് കൃത്യമായ മറുപടി നൽകാതെ ദേവസ്വം ബോർഡ് മുൻ പ്രസിഡന്റ് എൻ വാസു. സ്വർണം എടുക്കുന്നതും കൊണ്ടുപോയതും തന്റെ കാലത്തല്ല. ഉണ്ണികൃഷ്ണൻ പോറ്റിയുമായി നേരിട്ട് ബന്ധമില്ലെന്നും എൻ വാസു പറഞ്ഞു. സ്വർണപാളി, ദ്വാരപാലക ശിൽപങ്ങൾ നൽകുന്ന സമയത്ത് താൻ കമ്മീഷണറോ പ്രസിഡന്റോ ആയിരുന്നില്ല. പാളികള് കൊണ്ടുപോകുമ്പോള് താൻ അധികാരത്തിലില്ലെന്നും എൻ.വാസു.
ചെമ്പ് പാളിയിൽ വിശദീകരണം നൽകേണ്ടത് താനല്ല. സ്വര്ണമായിരുന്നോ ചെമ്പായിരുന്നോ എന്ന് പറയാന് ബുദ്ധിമുട്ടുണ്ട് ഉണ്ടെന്നും കാഴ്ചയില് ഉള്ള അറിവ് മാത്രമേ ഉള്ളു എന്നും എന് വാസു വ്യക്തമാക്കി. സ്വര്ണം ചെമ്പായത് അന്വേഷണത്തിലൂടെ പുറത്തുവരട്ടെ. തൂക്കത്തിൽ കുറവു വന്നത് ആരും ശ്രദ്ധയിൽപ്പെടുത്തിയില്ല. അന്ന് ആക്ഷേപമൊന്നും ഉണ്ടാകാത്തതിനാൽ അന്വേഷിക്കേണ്ടി വന്നില്ലെന്നും അദ്ദേഹം പറഞ്ഞു.
ഉണ്ണികൃഷ്ണന് പോറ്റിയെ കണ്ടിട്ടുണ്ട്. പക്ഷേ എന്നെ ഒരു കാര്യത്തിലും സമീപിച്ചിട്ടില്ല. ഉണ്ണികൃഷ്ണന് പോറ്റിയെ സംബന്ധിച്ച് സംശയം ഉണ്ടാകുന്നത് ഇപ്പോഴാണ് എന്നും അദ്ദേഹം പറഞ്ഞു. ശബരിമലയിലെ സ്വര്ണമാണെന്ന് മെയില് ലഭിച്ചപ്പോള് ക്ലാരിറ്റി ലഭിച്ചില്ലായിരുന്നു. മെയിലില് അനുമതി അല്ല ഉണ്ണികൃഷ്ണന് പോറ്റി ചോദിച്ചതെന്നും ഉപദേശം ആണ് തേടിയതെന്നും അദ്ദേഹം പറഞ്ഞു. അതും ആറ് വര്ഷത്തിനു മുന്പ് വന്ന ഒരു അപേക്ഷയാണ്. മെയിലിന് നോട്ട് നല്കിയത് നടപടിക്രമങ്ങളാണ്. ഉണ്ണികൃഷ്ണന് പോറ്റിയുടെ ഉദ്ദേശത്തെക്കുറിച്ച് പറയേണ്ട ഉദ്യോഗസ്ഥര്ക്കാണ് താന് നോട്ട് എഴുതിയതെന്നും അദ്ദേഹം കൂട്ടിച്ചേര്ത്തു.
ശബരിമലയില് ഒരു പാട് കക്ഷികള് കറങ്ങി നടക്കും. ചില ബ്രോക്കര്മാരെ പോലെ കറങ്ങും. ഉദ്യോഗസ്ഥര്ക്ക് അറിയാമായിരിക്കാം എന്നും അന്വേഷണവുമായി സഹകരിക്കും എന്നും എന് വാസു മാധ്യമങ്ങളോട് പറഞ്ഞു.
