റോം : തെക്കൻ ഇറ്റലിയിലെ മതേരയിലുണ്ടായ വാഹനാപകടത്തിൽ നാല് ഇന്ത്യക്കാർ മരിച്ചു. റോമിലെ ഇന്ത്യൻ എംബസി തിങ്കളാഴ്ച സംഭവം സ്ഥിരീകരിച്ചു. അഗ്രി വാലിയിലെ മതേരയിലെ സ്കാൻസാനോ ജോണിക്കോ മുനിസിപ്പാലിറ്റിയിൽ കാർ ഒരു ട്രക്കുമായി കൂട്ടിയിടിച്ചാണ് അപകടമുണ്ടായതെന്ന് ഇറ്റാലിയൻ വാർത്താ ഏജൻസിയായ ANSA റിപ്പോർട്ട് ചെയ്തു.
വാർത്താ ഏജൻസിയുടെ റിപ്പോർട്ട് പ്രകാരം 34 വയസ്സുള്ള മനോജ് കുമാർ, 33 വയസ്സുള്ള സുർജിത് സിംഗ്, 31 വയസ്സുള്ള ഹർവീന്ദർ സിംഗ്, 20 വയസ്സുള്ള ജസ്കരൻ സിംഗ് എന്നിവരാണ് മരിച്ചതെന്ന് തിരിച്ചറിഞ്ഞു.
അതേ സമയം തെക്കൻ ഇറ്റലിയിലെ മതേരയിലുണ്ടായ വാഹനാപകടത്തിൽ നാല് ഇന്ത്യക്കാരുടെ ദാരുണമായ മരണത്തിൽ അഗാധമായ ദുഃഖം രേഖപ്പെടുത്തുന്നു എന്ന് ഇന്ത്യൻ എംബസി ഒരു സോഷ്യൽ മീഡിയയിലെ ഒരു പോസ്റ്റിൽ പറഞ്ഞു. വിശദാംശങ്ങൾ ലഭിക്കാൻ ഞങ്ങൾ പ്രാദേശിക ഇറ്റാലിയൻ അധികാരികളുമായി ബന്ധപ്പെട്ടുകൊണ്ടിരിക്കുകയാണെന്നും ഇന്ത്യൻ എംബസി പറഞ്ഞു.
മരിച്ചവരുടെ കുടുംബങ്ങൾക്ക് സാധ്യമായ എല്ലാ കോൺസുലാർ സഹായവും എംബസി നൽകുമെന്നും അറിയിച്ചു.
