കോഴിക്കോട്: കേരളത്തിന്റെ ദക്ഷിണ പ്രദേശത്തിന്റെ ബിസിനസ് രംഗത്തിന് പുതിയ ഉണർവ് എ്ന്ന പ്രതീക്ഷ നൽകി,കേരളത്തിന്റെ ദക്ഷിണ പ്രദേശത്തെ സ്റ്റാർട്ടപ്പ്-ഐടി ആവാസവ്യവസ്ഥയ്ക്ക് പുതിയ ഉണർവേകി സാൻഡ് ബോക്സ് കമ്പനി ഗവ. സൈബർപാർക്കിൽ മിനി ടെക് പാർക്ക് നിർമ്മിക്കുന്നു. കേരള സ്റ്റേറ്റ് ഐടി ഇൻഫ്രാസ്ട്രക്ചർ ലിമിറ്റഡ്(കെഎസ് ടി ഐഎൽ) ൽ നിന്നും സൈബർപാർക്കിലെ ഭൂമി പാട്ടത്തിനെടുത്താണ് 30,000 ചതുരശ്രയടി വിസ്തീർണമുള്ള കെട്ടിടം നിർമ്മിക്കുന്നത്.
നിർമ്മാണം പൂർത്തിയാകുമ്പോൾ 600 പേർക്ക് ഒരേസമയം ജോലി ചെയ്യാനുള്ള സൗകര്യം ഇവിടെയുണ്ടാകും. സൈബർപാർക്കിലെ ആദ്യ കൊ-ഡെവലപ്പർ കൂടിയാണ് സാൻഡ് ബോക്സ്.
കേരളത്തിന്റെ ദക്ഷിണ മേഖലയുടെ സാങ്കേതികവിദ്യ സംരംഭങ്ങളെ ശക്തിപ്പെടുത്താനും കോഴിക്കോടിനെ നൂതന സാങ്കേതിക വിദ്യയുടെ വളരുന്ന കേന്ദ്രമായി അടയാളപ്പെടുത്താനും ലക്ഷ്യമിട്ടുള്ള സുപ്രധാന ചുവടുവയ്പ്പാണിതെന്ന് സൈബർപാർക്ക് സിഇഒ: സുശാന്ത് കുറുന്തിൽ പറഞ്ഞു. ഗ്ലോബൽ കേപബിലിറ്റി സെന്റർ (ജിസിസി) മേഖലയിൽ സംസ്ഥാനം കുതിച്ചു ചാട്ടം നടത്താൻ തയ്യാറെടുത്തിരിക്കുന്ന പശ്ചാത്തലത്തിൽ ഐടി അടിസ്ഥാന സൗകര്യങ്ങൾക്ക് ഏറെ പ്രധാന്യമുണ്ടെന്നും അദ്ദേഹം പറഞ്ഞു.
