തിരുവനന്തപുരം:നടനും സംവിധായകനുമായ പ്രകാശ് രാജ് 2024 ലെ സംസ്ഥാന ചലച്ചിത്ര അവാര്ഡ് നിര്ണയത്തിനുള്ള ജൂറി ചെയര്മാന്. രഞ്ജന് പ്രമോദ്, ജിബു ജേക്കബ്, ഭാഗ്യലക്ഷ്മി, ഗായത്രി അശോകന്, നിതിന് ലൂക്കോസ്, സന്തോഷ് ഏച്ചിക്കാനം എന്നിവരാണ് ജൂറി അംഗങ്ങള്.
തിങ്കളാഴ്ച മുതല് സിനിമകളുടെ സ്ക്രീനിംഗ് തുടങ്ങും. 128 സിനിമകളാണ് ജൂറിയുടെ പരിഗണനയ്ക്ക് എത്തിയത്. അന്തിമ ജൂറിക്ക് മുന്നിലെത്തുക രണ്ട് പ്രാഥമിക ജൂറികള് തെരഞ്ഞെടുത്ത സിനിമകളാകും.
രഞ്ജന് പ്രമോദും ജിബു ജേക്കബുമാണ് രണ്ട് പ്രാഥമിക ജൂറികളുടെ അധ്യക്ഷന്മാര്. രഞ്ജന് പ്രമോദ് അധ്യക്ഷനായ ആയ പ്രാഥമിക വിധി നിര്ണയ സമിതിയില് എം സി രാജനാരായണന്, സുബാല് കെ ആര്, വിജയരാജ മല്ലിക എന്നിവരാണ് ഉള്ളത്. ജിബു ജേക്കബ് അധ്യക്ഷനായ പ്രാഥമിക വിധി നിര്ണയ സമിതിയില് വി സി അഭിലാഷ്, രാജേഷ് കെ, ഡോ. ഷംഷാദ് ഹുസൈന് എന്നിവരാണ് അംഗങ്ങള്. മധു ഇറവങ്കരയാണ് രചനാ വിഭാഗം ജൂറിയുടെ ചെയര്പേഴ്സണ്.എ ചന്ദ്രശേഖര്, ഡോ. വിനീത വിജയന് എന്നിവരാണ് ഈ ജൂറിയിലെ അംഗങ്ങള്. ചലച്ചിത്ര അക്കാദമി സെക്രട്ടറി സി അജോയ് പ്രാഥമിക, അന്തിമ വിധി നിര്ണയ സമിതികളിലും രചനാ വിഭാഗം ജൂറിയിലും മെമ്പര് സെക്രട്ടറി ആയിരിക്കും.
