ന്യൂദല്ഹി: ഗായകന് സുബീന് ഗാര്ഗ് മരിച്ചത് സ്കൂബ ഡൈവിങ്ങിനിടെയല്ലെന്നും കടലില് നീന്തുന്നതിനിടെയാണെന്നും റിപ്പോര്ട്ട്. സിങ്കപ്പൂരിലെ കടലില് നീന്തുന്നതിനിടെയാണ് മരണം സംഭവിച്ചതെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്തിരിക്കുന്നത്. ഗാര്ഗിന്റെ പോസ്റ്റുമോര്ട്ടം റിപ്പോര്ട്ടിന്റെ പകര്പ്പ് സിങ്കപ്പൂര് പോലീസ് ഭാരത ഹൈക്കമ്മീഷന് കൈമാറി.
അതിനിടെ ഗായകന്റെ മരണവുമായി ബന്ധപ്പെട്ട് അദ്ദേഹത്തിന്റെ ബാന്ഡിലെ സഹസംഗീതജ്ഞന് ശേഖര് ജ്യോതി ഗോസ്വാമി, ഗായിക അമൃത്പ്രവ മഹന്ത എന്നിവരെ ആസാം പോലീസിന്റെ പ്രത്യേക സംഘം അറസ്റ്റ് ചെയ്തു. ഗാര്ഗിന്റെ മരണസമയം ഇരുവരും ഒപ്പമുണ്ടായിരുന്നതായി അന്വേഷണത്തില് കണ്ടെത്തിയിട്ടുണ്ട്. സുബീന് ഗാര്ഗിന്റെ മാനേജര് സിദ്ധാര്ത്ഥ് ശര്മ, നോര്ത്ത് ഈസ്റ്റ് ഇന്ത്യ ഫെസ്റ്റിവല് മാനേജര് ശ്യാംകാനു മഹന്ത എന്നിവരെ നേരത്തെ അറസ്റ്റ് ചെയ്തിരുന്നു.
ഇരുവര്ക്കുമെതിരെ ഗൂഢാലോചന, മനഃപൂര്വമല്ലാത്ത നരഹത്യ എന്നീ കുറ്റങ്ങള് ചുമത്തിയിട്ടുണ്ട്. കഴിഞ്ഞമാസം 19നാണ് ഗാര്ഗ് മരിക്കുന്നത്.
