തിരുവനന്തപുരം: മാറ്റിവച്ച തിരുവോണം ബമ്പര് ഭാഗ്യക്കുറി നറുക്കെടുപ്പും പൂജാ ബമ്പര് ഭാഗ്യക്കുറി ടിക്കറ്റിന്റെ പ്രകാശനവും ശനിയാഴ്ച . തിരുവനന്തപുരം ഗോര്ഖി ഭവനിലെ നറുക്കെടുപ്പ് വേദിയില് ഉച്ചയ്ക്ക് ഒന്നിനു നടക്കുന്ന ചടങ്ങില് ധനമന്ത്രി കെ.എന്. ബാലഗോപാല് പൂജാ ബമ്പര് ടിക്കറ്റ് പ്രകാശനവും ശേഷം തിരുവോണം ബമ്പര് നറുക്കെടുപ്പും നിര്വഹിക്കും.
എംഎല്എമാരായ വി.കെ. പ്രശാന്ത്,ആന്റണി രാജു, ഭാഗ്യക്കുറി വകുപ്പ് ഡയറക്ടര് ഡോ. മിഥുന് പ്രേംരാജ് എന്നിവര് പങ്കെടുക്കും. കഴിഞ്ഞ 27നായിരുന്നു തിരുവോണം ബമ്പര് നറുക്കെടുപ്പ് നടത്താന് നിശ്ചയിച്ചിരുന്നത്. എന്നാല് അപ്രതീക്ഷിതമായുണ്ടായ കനത്ത മഴയിലും ജിഎസ്ടി മാറ്റവുമായി ബന്ധപ്പെട്ടും ഏജന്റുമാരുടെയും വില്പനക്കാരുടെയും അഭ്യര്ഥന പരിഗണിച്ചും ഈ മാസം നാലിലേക്ക് മാറ്റിവച്ചു.തിരുവോണം ബമ്പറിന്റെ 75 ലക്ഷം ടിക്കറ്റുകളാണ് ഈ വര്ഷം അച്ചടിച്ച് വിറ്റത്. പാലക്കാടാണ് ഏറ്റവും കൂടുതല് ടിക്കറ്റ് (1407100)വില്പന നടന്നത്. രണ്ടാം സ്ഥാനത്തുള്ള തൃശൂര് ജില്ലയില് 9,37,400 ടിക്കറ്റുകളും മൂന്നാം സ്ഥാനത്തുള്ള തിരുവനന്തപുരത്ത് 8,75,900 ടിക്കറ്റുകളും ഏജന്സികള് വഴി വിറ്റു.ഒന്നാം സമ്മാനം 25കോടി രൂപ .രണ്ടാം സമ്മാനമായി ഒരു കോടി രൂപ വീതം 20 പേര്ക്കും മൂന്നാം സമ്മാനമായി 50 ലക്ഷം വീതം 20 പേര്ക്കും നാലാം സമ്മാനമായി അഞ്ചുലക്ഷം വീതം 10 പരമ്പരകള്ക്കും അഞ്ചാം സമ്മാനമായി രണ്ടു ലക്ഷം വീതം 10 പരമ്പരകള്ക്കും നല്കും.കൂടാതെ 5,000 മുതല് 500 രൂപ വരെ സമ്മാനമായി നല്കുന്നു.പൂജാ ബമ്പര് ടിക്കറ്റ് വില 300 രൂപയാണ്. അഞ്ച് പരമ്പരകളാണുള്ളത്. ഒന്നാം സമ്മാനമായി 12 കോടി രൂപയാണ് പൂജാ ബംപര് ഭാഗ്യക്കുറിയുടെ നറുക്കെടുപ്പിലൂടെ ലഭിക്കുന്നത്.രണ്ടാം സമ്മാനമായി ഒരു കോടി രൂപ വീതം ഓരോ പരമ്പരയ്ക്കും മൂന്നാം സമ്മാനമായി 5 ലക്ഷം വീതം 10 പേര്ക്ക് (ഓരോ പരമ്പരയിലും രണ്ട് വീതം). നാലാം സമ്മാനമായി മൂന്നു ലക്ഷം വീതം അഞ്ചു പരമ്പരകള്ക്കും അഞ്ചാം സമ്മാനമായി രണ്ടു ലക്ഷം വീതം അഞ്ചു പരമ്പരകള്ക്കും നല്കുന്നു എന്നതാണ് പൂജാ ബമ്പര് ഭാഗ്യക്കുറിയുടെ മറ്റൊരു സവിശേഷത. കൂടാതെ 5000, 1000, 500, 300 വീതം രൂപയുടെ നിരവധി സമ്മാനങ്ങളും നല്കും.
