പത്തനംതിട്ട:ശബരിമലയിലെ സ്വര്ണപ്പാളിയുമായി ബന്ധപ്പെട്ട വിവാദം ചൂടുപിടിച്ചിരിക്കെ,മുന് ദേവസ്വം ബോര്ഡ് പ്രസിഡന്റും സിപിഎം നേതാവുമായ കെ. അനന്തഗോപനെതിരെ സി പി എം നേതാവും ദേവസ്വം ബോര്ഡിലെ മറ്റൊരു മുന് പ്രസിഡന്റുമായ എ പത്മകുമാര് രംഗത്ത്.എല്ലാ കാലത്തും ദേവസ്വം മാനുവല് നോക്കി ആണോ കാര്യങ്ങള് ചെയ്തതെന്ന് എ പത്മകുമാര് ചോദിച്ചു. 18 ാം പടിക്ക് മുകളില് ഫോള്ഡിംഗ് റൂഫ് വെച്ചത് ആരുടെ കാലത്താണ് എന്ന് ചോദിച്ച പത്മകുമാര് പിന്നീട് അത് അനാവശ്യം എന്ന് കണ്ട് തന്റെ കാലത്ത് ഇളക്കി മാറ്റിയെന്നും പറഞ്ഞു.
ദേവസ്വം ബോര്ഡ് പ്രസിഡന്റ് ആയിരിക്കെ താന് വിദേശ യാത്ര നടത്തിയിട്ടില്ല. നടത്തിയവര് ആരൊക്കെ എന്ന് അന്വേഷിക്കണം വിദേശയാത്ര മാനുവല് അടിസ്ഥാനത്തില് ആണോ എന്ന് പരിശോധിക്കണം അനന്തഗോപന് വിദേശ യാത്ര നടത്തി എന്ന് താന് പറയുന്നില്ല.
തന്റെ കാലത്ത് എന്തേലും വീഴ്ച ഉണ്ടെങ്കില് അതും പരിശോക്കണം. വിജയ് മല്യ 1998ല് ശ്രീകോവില് സ്വര്ണം പൂശിയത് മുതലുളള കാര്യങ്ങള് അന്വേഷിക്കണമെന്ന് പത്മകുമാര് ആവശ്യപ്പെട്ടു.
