ഗുവാഹതി: അസമിലെ ബോഡോലാന്റ് ടെറിറ്റോറിയല് കൗണ്സിലില് (ബിടിസി) നടന്ന തെരഞ്ഞെടുപ്പില് കോണ്ഗ്രസിന് വട്ടപ്പൂജ്യം. ഇതില് 40 സീറ്റുകളും എന്ഡിഎ വിജയിച്ചതായി അസം മുഖ്യമന്ത്രി ഹിമന്ത ബിശ്വശര്മ്മ പറഞ്ഞു.
ഏറ്റവും കൂടുതല് സീറ്റ് നേടിയത് ബോഡോലാന്റ് പീപ്പിള്സ് ഫ്രണ്ട് (ബിപിഎഫ്) ആണ്. 40ല് 28 സീറ്റുകള് ബിപിഎഫ് നേടി. ബിപിഎഫ് എന്ഡിഎ സഖ്യത്തിന്റെ ഭാഗമാണ്. അതേ സമയം കോണ്ഗ്രസിന്റെ സീറ്റ് വട്ടപ്പൂജ്യമായി. ദയനീയ പരാജയമാണ് കോണ്ഗ്രസ് ഏറ്റുവാങ്ങിയത്. ബിപിഎഫ് നേതാവ് ഹഗ്രാമ മോഹിലാരി ഒക്ടോബര് അഞ്ചിന് സത്യപ്രതിജ്ഞ ചെയ്ത് അധികാരമേല്ക്കുമെന്ന് അസം മുഖ്യമന്ത്രി ഹിമന്ത ബിശ്വ ശര്മ്മ പറഞ്ഞു. എന്ഡിഎ പങ്കാളിയായി പ്രവര്ത്തിക്കുമെന്ന് ഹഗ്രാമ മോഹിലാരി പറഞ്ഞു. ബിജെപിയും ബിപിഎഫിനൊപ്പം പ്രവര്ത്തിക്കും.
ബിജെപി അഞ്ച് സീറ്റില് വിജയിച്ചപ്പോള് യുപിപിഎല് ഏഴ് സീറ്റുകളിലം വിജയിച്ചു. അതേ സമയം കോണ്ഗ്രസിന് ഒരു സീറ്റുപോലും വിജയിച്ചില്ല. കോണ്ഗ്രസ് മാത്രമല്ല, എഐയുഡിഎഫും തുടച്ചുനീക്കപ്പെട്ടു. 2020ല് ബോഡോലാന്റ് ടെറിറ്റോറിയല് കൗണ്സില് ഭരിച്ചിരുന്ന പങ്കാളികളില് ഒരാളായിരുന്നു കോണ്ഗ്രസ്. പിന്നീട് കോണ്ഗ്രസിന് സ്വാധീനം ക്രമേണ നഷ്ടമാവുകയായിരുന്നു.
സ്വയംഭരണാവകാശമുള്ള കൗണ്സിലാണ് ബോഡോ ടെറിറ്റോറിയല് കൗണ്സില്. ഒരു കാര്ഷിക സമ്പദ് വ്യവസ്ഥയാണ് ബോഡോലാന്റ് ടെറിറ്റോറിയല് കൗണ്സില്.
