സഹ്യനില് പിറന്നുഞാനെങ്കിലും
സാഹ്ലാദം കളിച്ചും ഓടിതിമിര്ത്തും
സായങ്ങള്തന് ഘനശിഖരങ്ങള് ഒടിച്ചും
സസ്യജാലങ്ങള് പിഴുതെറിഞ്ഞും രസിച്ചും
സാരംഗജാലങ്ങളെ ചിന്നംവിളിച്ചോടിച്ചും
സ്വാദേറും പക്വഫലങ്ങള് പൊട്ടിച്ചെറിഞ്ഞും
സലിലമൊഴുകും കുളിര്കല്ലോലിനിയില്
സരസമൊടിറങ്ങി കുളിച്ചും കുടിച്ചും
സുമജാലങ്ങള് തുമ്പിക്കയ്യാലൊടുച്ചുമെറിഞ്ഞും
സാനന്ദംകഴിച്ചു മമ ശൈശവം കൊടുംവിപിനേ.
സ്വാതന്ത്ര്യം സഫലമീജീവിതം കാനനേനിനച്ച്
സരസിജങ്ങള് പൂവിടും വാപിയില്
സാകൂതമിറങ്ങി പൂക്കള്പറിച്ചുകളഞ്ഞും
സായംസന്ധ്യാവേളയില് നിര്ബാധം തുടര്ന്നും
സാമോദം കയറിവരുമൊരളവ് കണ്ടൊരുകേകി
സലജ്ജം ബഹുവര്ണ്ണപീലിവിടര്ത്തിയാടുന്നതും
സാദുവാമൊരുഹരിണി വീക്ഷിക്കുന്നതുംമോദാല്
സാകൂതം നോക്കിരസിച്ചാ കേകിനടനവും
സമയംപോയതറിഞ്ഞില്ല വന്നണഞ്ഞുകൂരിരുള്
സരസനയനങ്ങളാല് ചൊല്ലിയാത്ര ഞാന്
സൗന്ദര്യകേദാരമാം അഴകാര്ന്ന ഹരിണമേ
സമയമില്ല കിമപി കാണാമിനിയൊരുനാള്
സാനന്ദം തുടരു തവ ചാരുമനോഹര നാട്യം
സാരംഗപാണിതന്കോവിലില് പോകുന്നു മുദാ.
സന്താപമുണ്ടെനിക്കേറ്റം നിന്നെപിരിയാന്
സമാഗമമുണ്ടാകുമധികനാള് കഴിയുംമുമ്പേ
സാഹസം കാട്ടരുതുനീ ഹിംസ്രജന്തുക്കളോടും
സത്യം ചൊല്കിയില്ലായെനിക്കൊരുസാഹസവും
സോത്സാഹംവളര്ന്നയീ കാനനംവെടിയാന്
സ്നേഹശൂന്യരാം മര്ത്ത്യര്തന്ശാസന
സമ്പ്രതിപോകുന്നുഞാനിന്നുതന്നെയിവിടെനിന്നും
സാമോദം കാനനസൗന്ദര്യംനുകര്ന്നു മനംനിറഞ്ഞും
സാധ്യമല്ലൊരുമാറ്റമെങ്കിലും വിധിയിതു മമ
സുഗന്ധപുരിതവിപിനമേ പോകുന്നുഞാനധുനാ
സാകല്യസഫലമല്ല ജീവിതമൊരുനാളും.
കവിത: ഒരു കരിവീരന്റെ ചിന്ത
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.