ചെന്നൈ: തമിഴക വെട്രി കഴകം പാര്ട്ടിയുടെ റാലിയില് തിക്കിലും തിരക്കിലും മരണ സംഖ്യ ഉയരവെ എക്സിലൂടെ പ്രതികരിച്ച് പ്രസിഡന്റ് വിജയ്. ‘എന്റെ ഹൃദയം തകര്ന്നിരിക്കുകയാണ്, അസഹനീയമായ ദുഃഖത്തിലും വേദനയിലും ആണ് ഞാന്. കരൂരില് ജീവന് നഷ്ടപ്പെട്ട നമ്മുടെ പ്രിയപ്പെട്ട സഹോദരീ സഹോദരന്മാരുടെ കുടുംബങ്ങളെ അഗാധമായ അനുശോചനം അറിയിക്കുന്നു. ആശുപത്രിയില് ചികിത്സയില് കഴിയുന്നവര് വേഗത്തില് സുഖം പ്രാപിക്കട്ടെ എന്ന് പ്രാര്ത്ഥിക്കുന്നു.’ എന്നാണ് താരത്തിന്റെ പ്രതികരണം.
അതേസമയം, വിജയ് സംഭവ സ്ഥലത്ത് നിന്ന് ചാര്ട്ടേഡ് വിമാനത്തില് ചെന്നെയില് എത്തി. വിജയ് യുടെ വീടിന് പൊലീസ് സുരക്ഷ കൂട്ടി. റാലിയില് തിക്കിലും തിരക്കിലും പെട്ട് മരിച്ചവരുടെ എണ്ണം 39 ആയെന്നാണ് റിപ്പോര്ട്ടുകള്.മരിച്ചവരില് 12 കുട്ടികളും ഉള്പ്പെടുന്നതായാണ് റിപ്പോര്ട്ട്. 12 പേര് ഗുരുതരാവസ്ഥയിലാണ്. 58 പേര് വിവിധയിടങ്ങളിലായി ആശുപത്രിയില് ചികിത്സയിലാണ്.
സംഭവത്തില് വിജയ്ക്കെതിരെ കേസെടുത്തേക്കും. മുഖ്യമന്ത്രി സ്റ്റാലിന് കുരീരിലേക്ക് പുറപ്പെട്ടിട്ടുണ്ട്. അടിയന്തര യോഗം ചേര്ന്ന ശേഷമാണ് അദ്ദേഹം ചെന്നൈയില് നിന്ന് പുറപ്പെട്ടത്. ഗള്ഫ് സന്ദര്ശിക്കുന്ന ഉദയനിധി സ്റ്റാലിന് രാവിലെയോടെ തിരിച്ചെത്തും.
