ഉത്തർ പ്രദേശ് മാതൃകയിൽ കേരളത്തിലും മഹാ കുംഭമേള നടത്തണം : യോഗി ആദിത്യനാഥ് ജിയുടെ മാർഗ നിർദേശങ്ങൾ കേരളത്തിന്‌ ഗുണം ചെയ്യും ; സന്തോഷ് പണ്ഡിറ്റ്

കൊച്ചി : ഉത്തർ പ്രദേശ് മാതൃകയിൽ കേരളത്തിലും മഹാ കുംഭമേള പിണറായി സർക്കാർ നടത്തണമെന്ന് നടൻ സന്തോഷ് പണ്ഡിറ്റ്. നിലവിൽ അയ്യപ്പ ഭക്ത സംഗമം, മാതാ അമൃതാനന്ദമയി ദേവിയുടെ ആദരിക്കൽ എന്നിവ വലിയ വിജയം ആയത് പോലെ കേരള കുംഭമേളയും വിജയമാകുമെന്നും സന്തോഷ് പണ്ഡിറ്റ് ഫേസ്ബുക്ക് പോസ്റ്റിൽ പറയുന്നു.

ഉത്തർ പ്രദേശ് സംസ്ഥാനത്ത് ഈ കഴിഞ്ഞ മഹാ കുംഭമേളയിൽ 69 കോടി ആളുകൾ ഭക്തിയോടെ മുങ്ങി കുളിച്ചു എന്നാണ് റിപ്പോർട്ട്‌. മൊത്തം സംസ്ഥാനത്തിന് ഇതിലൂടെ മാത്രം 87,000 കോടി രൂപ നികുതിയായി മാത്രം ലഭിച്ചു. മാത്രമല്ല ഭഗവത് ഗീത എന്ന പുണ്യ ഗ്രന്ഥത്തിൽ മേൽ പഠനവും, ചർച്ചയും സംഘടിപ്പിക്കണം. ആ പുസ്തകം ഇനിയും വീട്ടിൽ ഇല്ലാത്ത ഹൈന്ദവർക്ക് അതിന്റെ കോപ്പി സൗജന്യമായി സർക്കാർ വിതരണം ചെയ്യണം. കേരള സർക്കാർ അങ്ങനെ ഭക്തി നിർഭരമായ ഒരു കാര്യം ചെയ്‌താൽ ഉത്തർ പ്രദേശ് മുഖ്യമന്ത്രി യോഗി ആദിത്യ നാഥ് എല്ലാവിധ ഉപദേശങ്ങളും, മറ്റു സഹായ സഹകരങ്ങളും കേരളത്തിന്‌ ചെയ്തു തരും. യോഗിയുടെ മാർഗ നിർദേശങ്ങൾ കേരളത്തിന്‌ ഗുണം ചെയ്യുമെന്നും സന്തോഷ് പണ്ഡിറ്റ് പറയുന്നു

ഫേസ്ബുക്ക് പോസ്റ്റ് ഇങ്ങനെ….

പണ്ഡിറ്റിന്റെ രാഷ്‌ട്രീയ നിരീക്ഷണം
ഉത്തർ പ്രദേശ് മാതൃകയിൽ കേരളത്തിലും ഒരു മഹാ കുംഭമേള ഉടനെ കേരള സർക്കാർ organize ചെയ്ത് നടത്തണം.
നിലവിൽ അയ്യപ്പ ഭക്ത സംഗമം, മാതാ അമൃതാനന്ദമയി ദേവിയുടെ ആദരിക്കൽ എന്നിവ വലിയ വിജയം ആയത് പോലെ കേരള കുംഭമേളയും വിജയമാകും.
ഇതിനു ഭാരതപുഴ, വർക്കല etc ഏതെങ്കിലും ഒരു പുഴ സർക്കാർ തെരഞ്ഞെടുക്കണം. 45 ദിവസം അവിടെ ഭക്തി നിർഭരമായ അന്തരീക്ഷം ഉണ്ടാക്കണം. ഉത്തർ പ്രദേശ് സംസ്ഥാനത്ത് ഈ കഴിഞ്ഞ മഹാ കുംഭമേളയിൽ 69 കോടി ആളുകൾ ഭക്തിയോടെ മുങ്ങി കുളിച്ചു എന്നാണ് റിപ്പോർട്ട്‌. മൊത്തം സംസ്ഥാനത്തിന് ഇതിലൂടെ മാത്രം 87,000 കോടി രൂപ നികുതിയായി മാത്രം ലഭിച്ചു. അതൊക്കെ ഒരു നല്ല കാര്യമല്ലേ? മനസ്സ് വെച്ചാൽ UP റെക്കോർഡ് ഒക്കെ കേരളത്തിന്‌ പുഷ്പം പോലെ മറികടക്കാം.. Oct 15 മുതൽ Nov 30 വരെയുള്ള 45 ദിവസങ്ങൾ ഇതിനുള്ള നല്ല സമയം ആണ്.
Uthar Pradesh മാതൃകയിൽ കേരളം ഇന്ത്യയിലെ മുഴുവൻ ആശ്രമമങ്ങളിലെയും സന്യാസിമാരെ പൂജിച്ചും, ബഹുമാനിച്ചും സർക്കാർ ഇടപ്പെട്ട് കേരളത്തിൽ കൊണ്ട് വരണം. എല്ലാ ദിവസവും ഭക്തി നിർഭരമായി പൂജകളും, മന്ത്ര ഉച്ചാരണവും നടത്തണം. ദിവസവും വലിയ യാഗങ്ങളും, ഹോമംങ്ങളും നടത്തിയാൽ അത് എല്ലാ അർത്ഥത്തിലും ഗുണകരമാകും.
കൂടെ “ഭഗവത് ഗീത” എന്ന പുണ്യ ഗ്രന്ഥത്തിൽ മേൽ പഠനവും, ചർച്ചയും സംഘടിപ്പിക്കണം. ആ പുസ്തകം ഇനിയും വീട്ടിൽ ഇല്ലാത്ത ഹൈന്ദവർക്ക് അതിന്റെ കോപ്പി സൗജന്യമായി സർക്കാർ വിതരണം ചെയ്യണം.
കേരള സർക്കാർ അങ്ങനെ ഭക്തി നിർഭരമായ ഒരു കാര്യം ചെയ്‌താൽ Uthar Pradesh മുഖ്യമന്ത്രി യോഗി ആദിത്യ നാഥ് ജി എല്ലാവിധ ഉപദേശങ്ങളും, മറ്റു സഹായ സഹകരങ്ങളും കേരളത്തിന്‌ ചെയ്തു തരും. യോഗി ജിയുടെ മാർഗ നിർദേശങ്ങൾ കേരളത്തിന്‌ ഗുണം ചെയ്യും.