ലഖ്നൗ: ഉത്തര്പ്രദേശിലെ വിവിധ നഗരങ്ങളില് ‘ഐ ലവ് മുഹമ്മദ്’ മാര്ച്ചുമായി ഇസ്ലാമിക സംഘടനകള്. ഇതില് യുപിയിലെ ബറേലിയില് നടന്ന മാര്ച്ച് അക്രമാസക്തമായി.വെള്ളിയാഴ്ച പ്രാര്ത്ഥനയ്ക്ക് ശേഷമായിരുന്നു ആസൂത്രിതമായി സംഘടിപ്പിക്കപ്പെട്ട മാര്ച്ച് നടന്നത്. നിയന്ത്രിക്കാനെത്തിയ പൊലീസിന് നേരെ അക്രമികള് കല്ലേറ് നടത്തി. യുപിയിലെ കാണ്പൂര്, ലഖ്നോ, ബഹ്റോച്ച് എന്നീ നഗരങ്ങളിലും കഴിഞ്ഞ ദിവസം മാര്ച്ച് നടന്നു.
യുപിയിലെ ബറേലിയില് നടന്ന അക്രമാസക്തമായ ഐ ലവ് മുഹമ്മദ് മാര്ച്ച് :
BIG BREAKING 🚨 Massive tension in Bareilly, UP after Friday prayers 😳
Muslims with “I Love Muhammad” banner raised provocative slogans.
Stone-pelting erupted. Crowds tried to enter Islamia Ground.
Yogi Police used lathicharge. Heavy force deployed!
— Times Algebra (@TimesAlgebraIND) September 26, 2025
ഐ ലവ് മുഹമ്മദ് (ഞാന് മുഹമ്മദിനെ സ്നേഹിക്കുന്നു) എന്ന ബാനര് ഉയര്ത്തിയും പ്രകോപനപരമായ മുദ്രാവാക്യം വിളിച്ചുമായിരുന്നു പ്രകടനം. ബറേലിയിലെ ഇസ്ലാമിയ മൈതാനത്തേക്ക് പ്രകടനക്കാര് തള്ളിക്കയറാന് ശ്രമിച്ചപ്പോള് പൊലീസ് ലാത്തിവീശി. അക്രമികള് പൊലീസിനു നേരെ കല്ലെറിഞ്ഞു. കനത്ത പൊലീസ് സന്നാഹം വിന്യസിച്ചിട്ടുണ്ട്.
വര്ഗ്ഗീയ കലാപം ഉണ്ടാക്കുക എന്ന ലക്ഷ്യമാണ് ഈ മാര്ച്ചിന് പിന്നില് എന്ന് ആരോപിക്കപ്പെടുന്നു. അതേ സമയം, ജമ്മു കശ്മീര് മുഖ്യമന്ത്രി ഒമര് അബ്ദുള്ളയും തെലുങ്കാനയിലെ എഐഎംഐഎം നേതാവ് അസദുദ്ദീന് ഒവൈസിയും ഈ മാര്ച്ചിനെ ന്യായീകരിച്ച് രംഗത്തെത്തി. ഭരണഘടനയിലെ 25ാം വകുപ്പ് മതവിശ്വാസത്തിന്റെ അടിസ്ഥാനത്തില് ഇത്തരം മാര്ച്ച് നടത്താന് അംഗീകാരം നല്കുന്നുവെന്നാണ് ഇവരുടെ വാദം. പക്ഷെ മാര്ച്ചില് ഉടനീളം വര്ഗ്ഗീയ മുദ്രാവാക്യങ്ങള് മുഴങ്ങുന്നുവെന്നും മറ്റു മതത്തിലുള്ളവരെ പ്രകോപിപ്പിക്കുന്നുവെന്നും ആരോപണം ഉയരുന്നു.
ഈ മാര്ച്ചുകളില് വിശ്വാസമല്ല, പകരം ആധിപത്യം നേടാനുള്ള ശ്രമമാണ് കാണുന്നതെന്നും പറയുന്നു.
