ന്യൂദല്ഹി:വിദേശരാജ്യം വഴി ഇന്ത്യയിലേക്ക് വരുന്ന അവാര്ഡുകള് അജണ്ടയുടെ ഭാഗമോ എന്ന സംശയം കൂടുതല് ബലപ്പെടുകയാണ്. ഇവരുടെ രാജ്യവിരുദ്ധ പ്രവര്ത്തനങ്ങള് സര്ക്കാരിന് തലവേദനയാവുകയാണ്.
സോനം വാങ്ങ് ചുക്ക് എന്ന പരിസ്ഥിതി ആക്ടിവിസ്റ്റ് ഹിമാലയന് ഇന്സ്റ്റിറ്റ്യൂട്ട് ഓഫ് ആള്ട്ടര്നേറ്റീവ് ലഡാക്ക് (എച്ച് ഐ എ എല്) എന്ന സംഘടന നടത്തുന്ന വ്യക്തിയാണ്. പക്ഷെ ലഡാക്കിലെ ലേയില് കഴിഞ്ഞ ദിവസം നാല് പേരുടെ മരണത്തിനിടയാക്കിയ കലാപത്തിന് ചുക്കാന് പിടിച്ചത് സോനം വാങ്ചുക്കായിരുന്നുവെന്നതിന് തെളിവുകള് പുറത്തുവന്നിരിക്കുകയാണ്. സെപ്തംബര് 10ന് യുവാക്കളെ കലാപത്തിന് പ്രേരിപ്പിച്ചുകൊണ്ട് സോനം വാങ്ചുക്ക് നടത്തിയ പ്രസംഗം സമൂഹമാധ്യമങ്ങളില് വൈറലായി പ്രചരിക്കുകയാണ്. ഇയാള്ക്കെതിരെ സിബിഐ അന്വേഷണം ആരംഭിച്ചിരിക്കുകയാണ്. 2018ല് സോനം വാങ്ചുക്കിനെ റമണ് മഗ്സാസെ അവാര്ഡ് നല്കി ആദരിച്ചിരുന്നു. ഏഷ്യയിലെ ഉന്നതബഹുമതിയായാണ് ഈ വിദേശ അവാര്ഡ് കണക്കാക്കുന്നത്. പക്ഷെ ഈ അവാര്ഡ് നേടിയ വ്യക്തിയുടെ പ്രവര്ത്തനമാകട്ടെ രാജ്യത്തെ വിഘടനവാദികള്ക്ക് കൂട്ടിക്കൊടുക്കാനുള്ള ശ്രമവും.
അതുപോലെയാണ് എഴുത്തുകാര്ക്ക് നല്കുന്ന ബുക്കര് സമ്മാനവും. അത് ലഭിച്ച രണ്ട് എഴുത്തുകാരികളാണ് അരുന്ധതി റോയിയും ഭാനു മുഷ്താഖും. അരുന്ധതീ റോയി നടത്തുന്ന ഓരോ പരാമര്ശങ്ങളും പാകിസ്ഥാനെ വെളിപ്പിക്കുന്നതും മോദി സര്ക്കാരിനെ കുറ്റപ്പെടുത്തുന്നവയുമാണ്. കഴിഞ്ഞ ദിവസം പാകിസ്ഥാന് സൈന്യത്തെ പുകഴ്ത്തുകയും ഇന്ത്യന് സൈന്യത്തെ ഇകഴ്ത്തുകയും ചെയ്യുന്ന അരുന്ധതീ റോയിയുടെ വീഡിയോ വൈറലായി പ്രചരിച്ചിരുന്നു.
മറ്റൊരു ബുക്കര് സമ്മാന ജേതാവ് കര്ണ്ണാടകയില് നിന്നുള്ള കഥാകൃത്ത് ഭാനു മുഷ്താഖാണ്. ഹിന്ദുക്കളുടെ ഉത്സവമായി കരുതുന്ന മൈസൂര് ദസറ ഉത്സവം ചാമുണ്ഡി ക്ഷേത്രത്തില് ഉദ്ഘാടനം ചെയ്തത് ഭാനു മുഷ്താഖാണ്. ഹിന്ദു ആരാധനാലയങ്ങള് നശിപ്പിക്കുകയോ അതല്ലെങ്കില് മതേതര ഇടമാക്കുകയോ ചെയ്യാനുള്ള ശ്രമത്തിന്റെ ഭാഗമായാണ് സിദ്ധരാമയ്യ സര്ക്കാര് ഭാനു മുഷ്താഖിനെ തന്നെ ഉദ്ഘാടനത്തിന് ക്ഷണിച്ചത് ഒരു വിവാദം വേണ്ടെന്ന് കരുതി അവര്ക്ക് ഇതില് നിന്നും ഒഴിഞ്ഞു നില്ക്കാമായിരുന്നു. പക്ഷെ അത് ചെയ്തില്ല. ഭാനു മുഷ്താഖ് ദസറ ഉത്സവം ഉദ്ഘാടനം ചെയ്യുന്നതിനെതിരെ മൈസൂര് രാജകുടുംബത്തിലെ മുതിര്ന്ന അംഗമായ പ്മോദ ദേവി ഉള്പ്പെടെയുള്ളവര് രംഗത്ത് വന്നിരുന്നു.
അപ്പോള് വിദേശത്തെ ചില ശക്തികള് ഇന്ത്യയില് നടപ്പാക്കാന് ഉദ്ദേശിക്കുന്ന ഗൂഢ അജണ്ടകള് നടപ്പാക്കാനാണ് ഈ അവാര്ഡ് ജേതാക്കളെ ഉപയോഗിക്കുന്നത്. ബംഗ്ലാദേശില് കലാപത്തിലൂടെ പ്രധാനമന്ത്രി ഷേഖ് ഹസീനയെ പുറത്താക്കിയ ശേഷം അവിടുത്തെ ഇടക്കാല സര്ക്കാരിന്റെ ചുക്കാന് പിടിക്കുന്ന മുഹമ്മദ് യൂനസ് സമാധാനത്തിനുള്ള നോബര് സമ്മാന ജേതാവാണെന്ന് ഓര്മ്മിക്കുക. പാവപ്പെട്ടവരെ ലഘുവായ്പകള് നല്കി സഹായിക്കുന്ന ഗ്രാമീണ് ബാങ്ക് ആരംഭിക്കുക വഴി ദരിദ്രരെക്കൂടി സാമ്പത്തികമായ ഉന്നമനത്തിന് മഹുമ്മദ് യൂനസ് സഹായിക്കുകയാണെന്നും ഈ പ്രവര്ത്തനം സമൂഹത്തില് സമാധാനം സ്ഥാപിക്കുന്നതിന് തുല്ല്യമാണെന്നും പറഞ്ഞാണ് നോബെല് സമ്മാനം നല്കിയത്. വാസ്തവത്തില് അമേരിക്കയിലെ ഡീപ് സ്റ്റേറ്റഅ ശക്തികളുമായി അടുത്ത് ഇടപഴകുന്ന നേതാവാണ് മുഹമ്മദ് യൂനസ് എന്ന് പറയപ്പെടുന്നു.
