കോട്ടയം: ശബരിമല വിഷയത്തില് എന്എസ്എസ് ജനറല് സെക്രട്ടറി സുകുമാരന് നായരുടെ നിലപാട് സ്വാഗതാര്ഹമണെന്ന് മന്ത്രി വി എന് വാസവന് പറഞ്ഞു. ആഗോള അയ്യപ്പ സംഗമത്തില് സന്തോഷകരമായ സമീപനമാണ് സുകുമാരന് നായര് സ്വീകരിച്ചത്. എല്ലാ അര്ത്ഥത്തിലും ഞങ്ങള് എടുത്ത നിലപാട് ശരിയാണെന്ന് സ്ഥിരീകരിക്കുന്നതാണ് സുകുമാരന് നായരുടെ പ്രതികരണം. എന്എസ്എസ് ഒരിക്കലും സര്ക്കാരിനെ എതിര്ത്തിട്ടില്ല. ചില കാര്യങ്ങള് വരുമ്പോള് അഭിപ്രായം പറയും, വിമര്ശനങ്ങള് ഉയര്ത്തും. പ്രശ്നാധിഷ്ഠിതമായ നിലപാടാണ് എന് എസ് എസിന്റേത്. സുകുമാരന് നായര് നേരത്തെ തന്നെ അയ്യപ്പ സംഗമത്തിന് പിന്തുണ അറിയിച്ചിരുന്നു. അയ്യപ്പ സംഗമത്തിലേക്ക് അദ്ദേഹം പ്രതിനിധിയെയും അയച്ചതാണ്. യുഡിഎഫിനും ബിജെപിക്കും എതിരെ എന്എസ്എസ് ഉയര്ത്തിയത് സൃഷ്ടിപരമായ വിമര്ശനമാണെന്നും വാസവന് പറഞ്ഞു.
