തിരുവനന്തപുരം: സംസ്ഥാനത്ത് തദ്ദേശ തെരഞ്ഞെടുപ്പ് നവംബര്-ഡിസംബര് മാസങ്ങളില്.ഡിസംബര് 20ന് മുന്നേ തെരഞ്ഞെടുപ്പ് പ്രകിയ പൂര്ത്തിയാകുന്ന തരത്തിലാണ് നടപടികള്.
വോട്ടര്പട്ടിക ഒരിക്കല് കൂടി പുതുക്കും. സംസ്ഥാന തെരഞ്ഞെടുപ്പ് കമ്മീഷണര് എ. ഷാജഹാന് ആണ് ഇക്കാര്യം അറിയിച്ചത്.മുഖ്യ തെരഞ്ഞെടുപ്പ് ഓഫീസര് രത്തന് യു. ഖേല്ക്കറുമായി ഇതു സംബന്ധിച്ച് ചര്ച്ച നടത്തി.
തദ്ദേശ സ്വയംഭരണ സ്ഥാപനങ്ങളുടെ തെരഞ്ഞെടുപ്പ് കഴിഞ്ഞ് തീയതികള് നിശ്ചയിക്കണമെന്ന് കേന്ദ്ര തെരഞ്ഞെടുപ്പ് കമ്മീഷനോട് അഭ്യര്ഥിച്ചിട്ടുണ്ട്. കേരളത്തിലെ തീവ്ര വോട്ടര് പട്ടിക പരിഷ്കരണം (എസ്ഐആര്) നീട്ടിവയ്ക്കണമെന്നും കമ്മീഷനോട് ആവശ്യപ്പെട്ടു. എസ്ഐആറും തദ്ദേശ തെരഞ്ഞെടുപ്പും നടക്കുന്നത് ഒരേ അവസരത്തിലാണെന്നും രണ്ടും ചെയ്യേണ്ടത് ഒരേ ഉദ്യോഗസ്ഥരാണെന്നും ഇക്കാര്യം തെരഞ്ഞെടുപ്പ് കമ്മീഷനെ അറിയിച്ചിട്ടുണ്ടെന്നും ഷാജഹാന് പറഞ്ഞു.
