കൊച്ചി: കൃഷി വകുപ്പ് പ്രിന്സിപ്പല് സെക്രട്ടറി ബി. അശോകിന്റെ നിയമന വിഷയത്തില് സര്ക്കാര് ഹൈക്കോടതിയിലെത്തി . കേന്ദ്ര അഡ്മിനിസ്ട്രേറ്റീവ് ട്രൈബ്യൂണല് ഉത്തരവിനെതിരെയാണ് സര്ക്കാര് ഹൈക്കോടതിയെ സമീപിച്ചത്.
പഴ്സനല് ആന്ഡ് അഡ്മിനിസ്ട്രേറ്റീവ് റിഫോംസ് വകുപ്പ് പ്രിന്സിപ്പല് സെക്രട്ടറിയായി അശോകിനെ സ്ഥലംമാറ്റിയത് കേന്ദ്ര അഡ്മിനിസ്ട്രേറ്റീവ് ട്രൈബ്യൂണല് സ്റ്റേ ചെയ്തിരുന്നു. അധികാരപരിധി മറികടന്ന് ആണ് കേന്ദ്ര അഡ്മിനിസ്ട്രേറ്റീവ് ട്രൈബ്യൂണല് നടപടി എന്നാണ് സര്ക്കാര് വാദം.സ്ഥലം മാറ്റിയ സര്ക്കാര് നടപടി ചട്ടവിരുദ്ധമാണെന്ന് ചൂണ്ടിക്കാട്ടി അശോക് നല്കിയ ഹര്ജിയിലായിരുന്നു ട്രൈബ്യൂണല് നടപടി.
ഇതിനെതിരെയാണ് സര്ക്കാര് ഹൈക്കോടതിയില് അപ്പീല് നല്കിയത്. ഐഎഎസ് ഉദ്യോഗസ്ഥരുടെ സ്ഥലംമാറ്റവും നിയമനവും സര്വീസ് കാര്യമാണെന്നും ഒരു പ്രത്യേക തസ്തികയില് തുടരാന് ഉദ്യോഗസ്ഥന് യാതൊരു അവകാശവുമില്ലെന്നും സര്ക്കാര് ഹൈക്കോടതിയില് നല്കിയ ഹര്ജിയില് പറയുന്നു. ഹര്ജി തിങ്കളാഴ്ച പരിഗണിക്കും.
