തിരുവനന്തപുരം: മുഖ്യമന്ത്രിയുടെ കീഴിലുള്ള സാമ്പത്തിക സ്ഥിതി വിവര കണക്ക് ഡയറക്ടറേറ്റില് മതാടിസ്ഥാനത്തില് വാട്സ്ആപ്പ് ഗ്രൂപ്പ്. മുസ്ലിം മത വിഭാഗത്തില്പ്പെട്ട ജീവനക്കാരെ മാത്രം ഉള്പ്പെടുത്തി വാട്സ്ആപ്പ് ഗ്രൂപ്പ് ഉണ്ടാക്കിയാണ് മത വിദ്വേഷ പ്രവര്ത്തനങ്ങള് നടത്തുന്നത്.
പോപ്പുലര് ഫ്രണ്ട് പോലുള്ള നിരോധിത ഭീകര സംഘടനകളില് നേരത്തേ പ്രവര്ത്തിച്ചിരുന്നവരും ഇപ്പോള് ഡയറക്ടറേറ്റ് ഉദ്യോഗസ്ഥരുമായ ചിലരുടെ നേതൃത്വത്തിലാണ് വാട്സ്ആപ്പ് ഗ്രൂപ്പ് പ്രവര്ത്തനം.
ഒരു മത വിഭാഗത്തില്പ്പെട്ട ഉദ്യോഗസ്ഥര് വാട്സ്ആപ്പ് ഗ്രൂപ്പ് പ്രവര്ത്തനം നടത്തുന്നു എന്ന ആരോപണത്തിന്റെ പേരില് ഒരു ഐഎഎസ് ഉദ്യോഗസ്ഥനെ സര്വീസില് നിന്നും സസ്പെന്ഡ് ചെയ്ത സാഹചര്യത്തില് സര്ക്കാര് ഓഫീസ് കേന്ദ്രീകരിച്ച് വീണ്ടും മതാധിഷ്ഠിതമായ വിഭാഗീയ പ്രവര്ത്തനങ്ങള് നടക്കുന്നുവെന്നത് ഏറെ ഗൗരവകരമാണ്.
സര്ക്കാര് എടുക്കുന്ന രഹസ്യസ്വഭാവമുള്ള തീരുമാനങ്ങള് പോലും ഇത്തരക്കാരുടെ ഗ്രൂപ്പില് വളരെ വേഗം പ്രചരിക്കുന്നുണ്ട്. ഇത് സംബന്ധിച്ച് എന്ജിഒ സംഘ് സംസ്ഥാന ജനറല് സെക്രട്ടറിയുടെ നേതൃത്വത്തില് ചീഫ് സെക്രട്ടറിയെ വിവരം ധരിപ്പിച്ചെങ്കിലും നടപടികള് ഉണ്ടായില്ല.
