കോട്ടയം: കെഎസ്ആര്ടിസി ചങ്ങനാശേരി ഡിപ്പോയിലെ ഓണാഘോഷ പരിപാടിക്കിടെ മദ്യലഹരിയിലായിരുന്ന ജീവനക്കാര് സ്റ്റേഷന്മാസ്റ്ററെ മര്ദ്ദിച്ച സംഭവത്തില് മൂന്നു പേര്ക്ക് സസ്പെന്ഷന്. സ്റ്റേഷന്മാസ്റ്റര് വി.ജെ. ബിനുവിനെ ചവിട്ടിവീഴ്ത്തിയ സംഭവത്തില് മെക്കാനിക്കല് വിഭാഗം ജീവനക്കാരായ അരുണ്കുമാര്, നിധിന്, പി.പി. രാജേഷ് എന്നിവര്ക്കാണ് സസ്പെന്ഷന്. വകുപ്പു മേധാവിയായ വനിതാ എന്ജിനീയറെ സ്ഥലംമാറ്റാനും നിര്ദേശിച്ചിട്ടുണ്ട്. താത്കാലിക ഡ്രൈവര് ദുര്ഗാ പ്രസാദിനെ നേരത്തേതന്നെ ഡ്യൂട്ടിയില്നിന്നു മാറ്റി നിര്ത്തിയിരുന്നു. വിജലന്സ് ഓഫീസറുടെ ചുമതലയുള്ള എക്സിക്യൂട്ടീവ് ഡയറക്ടര് എ. ഷാജി കഴിഞ്ഞദിവസം ഡിപ്പോയിലെത്തി വിശദമായ അന്വേഷണം നടത്തിയിരുന്നു. തുടര്ന്നാണ് നടപടി.
നിശ്ചയിക്കപ്പെട്ട സമയം കഴിഞ്ഞപ്പോള് ഓണാഘോഷ പരിപാടി അവസാനിപ്പിക്കണമെന്നും മൈക്ക് ഓഫ് ചെയ്യണമെന്നും നിര്ദേശിച്ചതിന്റെ പേരിലാണ് സ്റ്റേഷന് മാസ്റ്ററെ ജീവനക്കാര് കൈയേറ്റം ചെയ്യുകയും ചവിട്ടിവീഴ്ത്തുകയും ചെയ്തത്. സിസി ടിവിയില് ഈ ദൃശ്യങ്ങള് പതിഞ്ഞിരുന്നു. വിജിലന്സ് വിഭാഗം ഇതു പരിശോധിച്ചു ബോധ്യപ്പെടുകയും ചെയ്തിരുന്നു.
ഓണാഘോഷത്തിനിടെ സ്റ്റേഷന്മാസ്റ്ററെ ചവിട്ടിവീഴ്ത്തിയ മൂന്നു ജീവനക്കാര്ക്ക് സസ്പെന്ഷന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.