ഗാസ: മൂന്ന് ടവറുകളുള്ള ഗാസയിലെ അല് റോയ ടവറും യൂണിവേഴ്സിറ്റി കെട്ടിടവും ഇസ്രയേല് തകര്ത്തതോടെ ഗാസയെ കണ്ടാലറിയാതായി. കാരണം ഗാസയുടെ മുഖമുദ്രകളായിരുന്നു ഈ കെട്ടിടങ്ങള്. ഇത് മാത്രമല്ല, ഗാസയിലെ റെസിഡന്ഷ്യല് ബില്ഡിങ്ങുകളുള്പ്പെടെ ഹമാസ് ഭീകരര് ഒളിച്ചിരിക്കുന്നു എന്ന് കരുതുന്ന എല്ലാ കെട്ടിടങ്ങളും തകര്ത്തിരിക്കുകയാണ് ഇസ്രയാല്.
ഹമാസ് ഭീകരര് എവിടെയെല്ലാം ഒളിച്ചിരിപ്പുണ്ടോ അവിടെയെല്ലാം നാശം വിതയ്ക്കുക എന്നതായിരിക്കുന്നു ഇസ്രയേലിന്റെ പുതിയ യുദ്ധതന്ത്രം.
മൂന്ന് ടവറുകളുള്ള ഗാസയിലെ അല് റോയ ടവര് ഇസ്രയേല് ബോംബിട്ട് തകര്ക്കുന്നതിന്റെ വീഡിയോ ദൃശ്യം:
Israel has just bombed and flattened Al-Roaya Tower in Gaza City. Three reduced to rubble in the past few days.
This is the last landmark of life in Gaza, which Israel seeks to annihilate. Pure terrorism. pic.twitter.com/0slHoXgSK1
— Abubaker Abed (@AbubakerAbedW) September 7, 2025
ഹമാസ് 2023ല് ഇസ്രയേല് അതിര്ത്തിക്കുള്ളില് കടന്ന് നടത്തിയ ആക്രമണത്തിന് ശേഷം ബന്ദികളാക്കി പിടിച്ചുകൊണ്ടുപോയ 75 ഇസ്രയേലികള് കൊല്ലപ്പെട്ടതും ഇനിയും ഹമാസ് തടവില് ഇരിക്കുന്ന 48 പേരെ വിട്ടയയ്ക്കാത്തതും ഇസ്രയേലിനെ കൂടുതല് ക്രുദ്ധരാക്കിയിരിക്കുന്നു. അതുകൊണ്ട് തന്നെ ഹമാസ് ഭീകരരെ മുച്ചൂടും നശിപ്പിക്കുക എന്നത് മാത്രമായിരിക്കുന്നു ഇസ്രയേല് യുദ്ധതന്ത്രം.
അതാണ് ഖത്തറില് സമാധാനചര്ച്ചയില് പങ്കെടുത്തുകൊണ്ടിരുന്ന ഹമാസ് നേതാക്കളെ അമേരിക്ക അറിയാതെ ഇസ്രയേല് ആക്രമിച്ചത്. ഇപ്പോള് ഗാസയില് ഹമാസ് ഭീകരര് ഒളിച്ചിരിപ്പുണ്ടെന്ന് കരുതുന്ന എല്ലാ ബഹുനിലക്കെട്ടിടങ്ങലും ഇസ്രയേല് തകര്ക്കുകയാണ്. കഴിഞ്ഞ ദിവസം ഗാസയിലെ യൂണിവേഴ്സിറ്റി കെട്ടിടം തകര്ന്നുവീഴുന്നതിന്റെ വീഡിയോ സമൂഹമാധ്യമങ്ങളില് പ്രചരിക്കുകയാണ്.
റെസിഡന്ഷ്യല് ബില്ഡിംഗുകളും ഇസ്രയേല് സേന തകര്ത്തു. ഇവിടെയും ഹമാസ് ഭീകരര് ഒളിച്ചിരിപ്പുണ്ടെന്നാണ് ഇസ്രയേല് അവകാശപ്പെടുന്നത്. റെസിഡന്ഷ്യല് ബില്ഡിംഗുകളില് നിന്നും ഒഴിഞ്ഞുപോകാന് മുന്നറിയിപ്പ് നല്കി അധികം താമസിയാതെ ബോംബിട്ട് തകര്ക്കുകയാണ് ഇസ്രയേല്.
എന്നാല് ഗാസ മുഴുവനും തകര്ത്ത് തരിപ്പണമാക്കിയ ശേഷം അവിടം കയ്യടക്കുകയാണ് ഇസ്രയേല് ലക്ഷ്യമെന്നും പറയുന്നു.
ഇസ്രേയേല് ഗാസയിലെ യൂണിവേഴ്സിറ്റി കെട്ടിടം ബോംബിട്ട് തകര്ക്കുന്നു:
