ക്വാലാലംപൂര് :കള്ളപ്പണം വെളുപ്പിക്കല്, ഇസ്ലാമിക മതമൗലികവല്ക്കരണം എന്നീ കുറ്റങ്ങളുടെ പേരില് ഇന്ത്യ അറസ്റ്റ് വാറന്റ് പുറപ്പെടുവിച്ച സക്കീര് നായിക്കിനെ ഗുരുതരമായ ആരോഗ്യപ്രശ്നങ്ങളെ തുടര്ന്ന് മലേഷ്യയിലെ ആശുപത്രിയില് പ്രവേശിപ്പിച്ചു. എച്ച് ഐവി ബാധയാണെന്നാണ് ചില വാര്ത്താ ചാനലുകള് പുറത്തുവിടുന്ന വിവരം.
മലേഷ്യയിലെ മുന്നിര സ്വകാര്യ ആശുപത്രി ശൃംഖലയായ സണ്വേ മെഡിക്കല് കോളെജ് ആശൂപത്രിയിലാണ് പ്രവേശിപ്പിച്ചിരിക്കുന്നത്. ഹൃദ്രോഗം, അണുബാധ തുടങ്ങിയ മേഖലകളിലെ ചികിത്സയ്ക്ക് പേര് കേട്ട ആശൂപത്രിയാണിത്.
ഇന്ത്യ അറസ്റ്റ് വാറന്റ് പുറപ്പെടുവിച്ചതിനെ തുടര്ന്ന് മലേഷ്യയില് അഭയം തേടിയ സക്കീര് നായിക്ക് അവിടെയും ഇസ്ലാമിക മതമൗലികവല്ക്കരണം തുടരുകയായിരുന്നു.
ഈയിടെ രാഹുല് ഗാന്ധി നാല് ദിവസം മലേഷ്യാ സന്ദര്ശനം നടത്തിയിരുന്നു. ഈ യാത്ര വേളയില് രാഹുല് ഗാന്ധി സക്കീര് നായിക്കുമായി കൂടിക്കാഴ്ച നടത്തിയിരുന്നോ എന്ന് പലരും സംശയം പ്രകടിപ്പിച്ചിരുന്നു. അതിനിടയിലാണ് പൊടുന്നനെ സക്കീര് നായിക്കിനെ കടുത്ത രോഗബാധ മൂലം ആശുപത്രിയില് പ്രവേശിപ്പിച്ച വിവരം പുറത്തുവന്നത്.
