പാലക്കാട്:മന്ത്രവാദിയും യുവാവും നദിയില് മുങ്ങിമരിച്ചു. കൊഴിഞ്ഞാമ്പാറയില് ആണ് സംഭവം.കൊഴിഞ്ഞാമ്പാറ സ്വദേശി ഹസന് മുഹമ്മദ്, കോയമ്പത്തൂര് സ്വദേശി യുവരാജ് എന്നിവരാണ് ശനിയാഴ്ച ഉച്ചയോടെ അപകടത്തില് പെട്ടത്.
കൊഴിഞ്ഞാമ്പാറ കുലുക്കപ്പാറയിലെ നദിയിലാണ് അപകടം. കൊഴിഞ്ഞാമ്പാറ പള്ളിത്തെരുവിലെ ഹസന് മുഹമ്മദിന്റെ വീട്ടിലാണ് ദുര്മന്ത്രവാദം നടന്നത്. ഇതിനുശേഷം മന്ത്രവാദിയായ ഹസന് മുഹമ്മദും പരിഹാരക്രിയയ്ക്ക് എത്തിയ 18 കാരന് യുവരാജും നദിയിലേക്ക് ഇറങ്ങിയപ്പോഴാണ് അപകടമുണ്ടായത്.
യുവരാജും അമ്മയും സഹോദരി ഭര്ത്താവും ഉള്പ്പെടെ നാല് പേരാണ് കോയമ്പത്തൂരില് നിന്നും ഹസന് മുഹമ്മദിനെ കാണാന് എത്തിയത്.മകന് ജോലി ശരിയാവുന്നില്ലെന്ന് പറഞ്ഞ് കഴിഞ്ഞ ശനിയാഴ്ച ഹസന് മുഹമ്മദിന്റെ അടുത്ത് കുടുംബം എത്തിയപ്പോള് ഒരാഴ്ച കഴിഞ്ഞു വീണ്ടും വരാന് ആവശ്യപ്പെട്ടു.ഈ സാഹചര്യത്തിലാണ് ഇന്ന് രാവിലെ കൊഴിഞ്ഞാമ്പാറ പള്ളിത്തെരുവിലേക്ക് കുടുംബം എത്തിയത്.
