ഐസ്വാൾ: മിസോറാമിൽ ഇതാദ്യമായി ട്രെയിൻ ഓടി. മിസോറാമിലെ ഐസ്വാളിൽ നിന്ന് ഏകദേശം 12 കിലോമീറ്റർ അകലെയുള്ള സായിരംഗ സ്റ്റേഷനിൽ നിന്ന് പ്രധാനമന്ത്രി മോദി ആദ്യ ട്രെയിനുകൾ ഫ്ളാഗ് ഓഫ് ചെയ്തു. സ്വാതന്ത്ര്യം ലഭിച്ച് 78 വർഷം കഴിഞ്ഞപ്പോളാണിത്. ഈ ചരിത്രദൗത്യം സാർത്ഥമാക്കിയതുവഴി പ്രധാനമന്ത്രി നരേന്ദ്രമോദി മറ്റൊരു ചരിത്രംകൂടി കുറിച്ചു.
എല്ലാ സംസ്ഥാന തലസ്ഥാനങ്ങളെയും റയിൽ വഴി ബന്ധിപ്പിക്കുക എന്ന ദീർഘകാല ദർശനവുമായി പൊരുത്തപ്പെടുന്ന തരത്തിൽ, മിസോറാമിന്റെ തലസ്ഥാനം ഭാരത റയിൽവേ ഭൂപടത്തിൽ ഉൾപ്പെടുത്തുന്നത് ഇതാദ്യമായാണ്.
2023 മെയ് മാസത്തിൽ മണിപ്പൂരിൽ ഇരുവിഭാഗങ്ങൾ തമ്മിൽ കലാപം ഉണ്ടായശേഷം ആദ്യമായാണ് പ്രധാനമന്ത്രി സംസ്ഥാനം സന്ദർശിക്കുന്നത്.
‘സെപ്റ്റംബർ 13 ന് ചുരാചന്ദ്പൂരിലും ഇംഫാലിലും നടക്കുന്ന പരിപാടികളിൽ ഞാൻ പങ്കെടുക്കും. മണിപ്പൂരിന്റെ സമഗ്രവും സമഗ്രവുമായ വികസനം മുന്നോട്ട് കൊണ്ടുപോകുന്നതിന് ഞങ്ങൾ പൂർണ്ണമായും പ്രതിജ്ഞാബദ്ധരാണ്,’ പ്രധാനമന്ത്രി മണിപ്പൂർ സന്ദർശനത്തിനു മുമ്പ് എക്സിൽ പോസ്റ്റ് ചെയ്തു.
