പാലക്കാട് : വിവാഹ അഭ്യര്ത്ഥന നിരസിച്ച കാമുകിയെയും പിതാവിനെയും യുവാവ് വീട്ടില് കയറി വെട്ടി.നെന്മാറയിലാണ് സംഭവം. ആക്രമണം നടത്തിയ മേലാര്കോട് സ്വദേശി ഗിരീഷ് അറസ്റ്റിലായി. സ്വകാര്യ ബസ് ഡ്രൈവറാണ് ഇയാള്.
യുവതിയും ഗിരീഷും തമ്മില് നാലുവര്ഷമായി അടുപ്പത്തിലായിരുന്നു.ഒന്നരവര്ഷം മുമ്പ് യുവതി വിദേശത്ത് അക്കൗണ്ടന്റ്ജോലിക്ക് പോയി. അവധിക്ക് നാട്ടില് എത്തിയ യുവതിയോട് ഗിരീഷ് വിവാഹകാര്യം സംസാരിച്ചെങ്കിലും പ്രതികരണം പ്രതീക്ഷിച്ച പോലെ ഉണ്ടായില്ല.
ബസ് ഡ്രൈവര് ആയ തന്നെ ഒഴിവാക്കാന് ശ്രമിച്ചതാണ് ആക്രമണം നടത്താന് കാരണമെന്നാണ് ഗിരീഷ് മൊഴി നല്കിയത്. ഗിരീഷിന്റെ കയ്യില് യുവതിയുടെ പേരും മുഖവും പച്ചകുത്തിയിട്ടുണ്ട്.
കഴിഞ്ഞ ദിവസം വൈകിട്ട് മദ്യലഹരിയില് വീട്ടില് എത്തിയ ഗിരീഷ് കിടപ്പുമുറിയില് ഉണ്ടായിരുന്ന യുവതിയെ വെട്ടി. തടയാന് ശ്രമിച്ച അച്ഛനെയും വെട്ടുകത്തി കൊണ്ട് വെട്ടുകയായിരുന്നു.
കൈയ്ക്കും മുതുകിനുമാണ് യുവതിയ്ക്ക് പരിക്കേറ്റത്. പരിക്കേറ്റ മകളും പിതാവും നെന്മാറയിലെ സ്വകാര്യ ആശുപത്രിയില് ചികിത്സ തേടി. ഇരുവരുടെയും പരിക്ക് ഗുരുതരമല്ല. ആലത്തൂര് പൊലീസ് ഗിരീഷിനെ അറസ്റ്റ് ചെയ്ത് കോടതിയില് ഹാജരാക്കി. പ്രതിയെ പിന്നീട് റിമാന്റ് ചെയ്തു.
