ആലപ്പുഴ: വിശ്വാസികളെ മദ്യപരോട് ഉപമിച്ച് മന്ത്രി പി. പ്രസാദ്. സിപിഐ സംസ്ഥാന സമ്മേളനത്തിന്റെ വിശദാംശങ്ങള് മാധ്യമപ്രവര്ത്തകരോട് വിശദീകരിക്കുമ്പോഴാണ് വിശ്വാസികളെ മന്ത്രി അവഹേളിച്ചത്. വിശ്വാസകാര്യങ്ങളില് വിശ്വാസികള് മാത്രമെ അഭിപ്രായം പറയാന് പാടുള്ളു എന്ന് പറയുന്നത് മദ്യത്തെക്കുറിച്ച് മദ്യപര് മാത്രമെ അഭിപ്രായം പറയാന് പാടുള്ളു എന്ന് പറയുന്നത് പോലെയാണെന്നായിരുന്നു മന്ത്രിയുടെ താരതമ്യം. ശബരിമല ഏതെങ്കിലും മതവിഭാഗത്തിന്റേത് മാത്രമല്ല, വാവരും, എരുമേലിയിലെ ചടങ്ങുകളും, അര്ത്തുങ്കല് പള്ളിയുമായുള്ള ബന്ധങ്ങളും ഇതിനുദാഹരണമാണെന്നും മന്ത്രി ചൂണ്ടിക്കാണിച്ചു.
ദേവസ്വം ബോര്ഡ് ആഗോള അയ്യപ്പസംഗമം സംഘടിപ്പിക്കുന്നത് ശബരിമലയില് വികസനം നടപ്പാക്കാനാണ്. അതിനോട് എല്ലാവരും സഹകരിക്കണം. സംഘപരിവാര് വിശ്വാസത്തെ വോട്ടിനായി ഉപയോഗിക്കുകയാണ്. ദൈവങ്ങളെ വോട്ടുപിടുത്തത്തിനായി ഉപയോഗിക്കേണ്ട. നരബലി ഉള്പ്പടെയുള്ള കാര്യങ്ങള് നടക്കുന്ന സാഹചര്യത്തില് അന്ധവിശ്വാസ വിരുദ്ധ നിയമം ഉടന് നടപ്പാക്കണം. കേരളത്തിലെ പോലീസ് മാതൃകാപരമായാണ് പ്രവര്ത്തിക്കുന്നതെന്ന് സംസ്ഥാന സമ്മേളനം വിലയിരുത്തി. അടിസ്ഥാന വിഭാഗങ്ങളുടെ വിവിധ പ്രശ്നങ്ങള് പരിഹരിക്കുന്നതിന് സര്ക്കാര് മുന്ഗണന നല്കണം. കേന്ദ്രസര്ക്കാര് കേരളത്തോട് ശത്രുതാപരമായാണ് പെരുമാറുന്നതെന്ന് സമ്മേളനം വിലയിരുത്തിയതായും അദ്ദേഹം പറഞ്ഞു.
