തിരുവനന്തപുരം: ശ്രീരാമദാസമിഷന് പ്രസ്ഥാനങ്ങളുടെ മുന് അധ്യക്ഷനായിരുന്ന സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള്ക്ക് ശ്രദ്ധാഞ്ജലി അര്പ്പിച്ചുകൊണ്ടുള്ള അനുസ്മരണ സമ്മേളനവും യതിപൂജയും ചേങ്കോട്ടുകോണം ശ്രീരാമദാസ ആശ്രമത്തിലെ ജ്യോതിക്ഷേത്ര സന്നിധിയില് 13ന് നടക്കും. രാവിലെ 10 ന് ശ്രീരാമദാസമിഷന് അധ്യക്ഷന് ശ്രീശക്തി ശാന്താനന്ദ മഹര്ഷിയുടെ അധ്യക്ഷതയില് ചേരുന്ന അനുസ്മരണ സമ്മേളനത്തിന്റെ ദീപപ്രോജ്ജ്വലനം തിരുവിതാംകൂര് രാജകുടുംബാംഗം അവിട്ടം തിരുനാള് ആദിത്യവര്മ്മ നിര്വഹിക്കും. സമ്മേളനത്തിന്റെ ഉദ്ഘാടനം മുന്കേന്ദ്രമന്ത്രി വി.മുരളീധരന് നിര്വഹിക്കും.
സ്വാമി കൃഷ്ണാനന്ദ സരസ്വതി(ശ്രീരാമദാസ ആശ്രമം, രാമഗിരി-മുംബൈ), സ്വാമി ചിദാനന്ദപുരി(അദ്വൈതാശ്രമം,കൊളത്തൂര്), സ്വാമി പ്രജ്ഞാനാനന്ദ തീര്ത്ഥപാദര്(തീര്ത്ഥപാദാശ്രമം, വാഴൂര്), സ്വാമി വിവിക്താനന്ദ സരസ്വതി (ചിന്മയാമിഷന്), സ്വാമി സത്സ്വരൂപാനന്ദ സരസ്വതി (മാര്ഗദര്ശക മണ്ഡലം), എം.മാധവന് നായര്(സ്വാമി സത്യാനന്ദ സരസ്വതി ഫൗണ്ടേഷന് യുഎസ്എ), മുന് മിസോറാം ഗവര്ണര് കുമ്മനം രാജശേഖരന്, കടകംപള്ളി സുരേന്ദ്രന് എംഎല്എ, കെ.മുരളീധരന് എം.എല്.എ, സതീശന് ഭട്ടതിരി, ആചാര്യ മനോജ് ജി(ആര്ഷവിദ്യാസമാജം), അഡ്വ.എസ്.സുരേഷ് (ബി.ജെ.പി സംസ്ഥാന ജന.സെക്രട്ടറി), ശോഭാ സുരേന്ദ്രന് (ബി.ജെ.പി സംസ്ഥാന ജന.സെക്രട്ടറി), വി.വി.രാജേഷ് (ബി.ജെ.പി സംസ്ഥാന സെക്രട്ടറി), രഞ്ജിത് കാര്ത്തികേയന് സി.എ, മുന് ഡി.ജി.പി ടി.പി.സെന്കുമാര്, മുന് എം.പി. എന്. പീതാംബരക്കുറുപ്പ്, മുന്.എം.എല്.എ എം.എ വാഹീദ്, ഹിന്ദു ധര്മ്മപരിഷത്ത് ചെയര്മാന് എം.ഗോപാല് തുടങ്ങിയവര് അനുസ്മരണ പ്രഭാഷണം നടത്തും.
വിവിധ ആശ്രമങ്ങളിലെ സന്യാസി ശ്രേഷ്ഠന്മാരുള്പ്പെടെ രാഷ്ട്രീയ സാംസ്കാരിക ആദ്ധ്യാത്മിക മേഖലകളിലെ പ്രമുഖരും പ്രശസ്തരുമായവര് സമ്മേളനത്തില് പങ്കെടുക്കും. സമ്മേളനാനന്തരം 11.30 ന് യതിപൂജ ആരംഭിക്കും. യതിപൂജയില് സംസ്ഥാനത്തിനകത്തും പുറത്തുനിന്നുമായി നൂറോളം സന്യാസിമാര് പങ്കെടുക്കും. ഉച്ചയ്ക്ക് ഒരു മണിക്ക് അമൃതഭോജനത്തോടെ ചടങ്ങുകള് പര്യവസാനിക്കും.
