കൊച്ചി: ചലച്ചിത്ര നടി ഗ്രേസ് ആന്റണിയും സംഗീതസംവിധായകന് എബി ടോം സിറിയക്കും വിവാഹിതയായി. കാക്കനാട് തുതിയൂരിലുള്ള ഔര് ലേഡി ഓഫ് ഡോളൂര്സ് റോമന് കാത്തലിക് പള്ളിയില് ചൊവ്വാഴ്ചയായിരുന്നു വിവാഹം. ദമ്പതികള് തന്നെയാണ് വിവാഹ ചിത്രങ്ങള് ഇന്സ്റ്റാഗ്രാമില് പങ്കിട്ടത്. ‘ശബ്ദങ്ങളില്ല, വെളിച്ചമില്ല, ആള്ക്കൂട്ടമില്ല. ഒടുവില്, ഞങ്ങളത് സാക്ഷാത്കരിച്ചു.’ എന്ന അടിക്കുറിപ്പോടെയാണ് വിവാഹ വാര്ത്ത പങ്കിട്ടിരിക്കുന്നത്.
കുമ്പളങ്ങി നൈറ്റ്സ്,റോഷക്, പരന്ത് പോ, നാഗേന്ദ്രന്റെ ഹണിമൂണ്, അപ്പന്, നുണക്കുഴി തുടങ്ങിയ ചിത്രങ്ങളിലൂടെ ശ്രദ്ധേയയായ ഗ്രേസ് ആന്റണി 2016 ല് ഹാപ്പി വെഡ്ഡിംഗ് എന്ന ചിത്രത്തിലൂടെയാണ് അഭിനയരംഗത്തെത്തിയത്.
2016 ല് പാവാട എന്ന ചിത്രത്തിലൂടെയാണ് എബി ടോം സിറിയക് സംഗീത സംവിധായകനായി അരങ്ങേറ്റം കുറിച്ചത്. വിവിധ ഭാഷകളിലായി 300 ലധികം ചിത്രങ്ങള്ക്ക് സംഗീതം നല്കിയിട്ടുണ്ട്. പരവരകത്ത് സിറിയക് തോമസിന്റെ മകനാണ് എബി . മുളന്തുരുത്തി തെറ്റാലിക്കല് ആന്റണിയുടെയും ഷൈനിയുടെയും മകളാണ് ഗ്രേസ്.
ഉണ്ണി മുകുന്ദന്,രജിഷ വിജയന്, കനി കുസൃതി, ആര്യ ബാബു തുടങ്ങിയ അഭിനേതാക്കള് നവദമ്പതികള്ക്ക് ആശംസകള് നേര്ന്നു.
